خانمه‌ ڕاگه‌یاندنكار شارا ئیبراهیم هاوشێوه‌ی‌ هاوپیشه‌كانی له‌ڕێی پۆستێك له‌ هه‌ژماره‌ تایبه‌ته‌كه‌ی‌ له‌ ئینستگرام خه‌مباری خۆی بۆ كۆچی دوایی ئامانج و لانه‌ و منداڵه‌كه‌یان ده‌ربڕیوه‌ و ئه‌م بابه‌ته‌ ناخی كوردستانیانی هه‌ژاندوه‌ به‌ ته‌واوی چین و توێژه‌كانه‌وه‌.

شارا له‌ پۆسته‌كه‌یدا نوسیویه‌تی"مه‌رگی کاروانی برام هەر هێندەی مەرگی تۆ بۆ من وێرانکەر بوو..فرمێسکم ناوەستێ ..لانە گیان خانمی باش و جوان رۆحتان شاد"

دوای ئه‌وه‌ی‌ شەوی چوارشەممە 16ی تشرینی یەکەمی 2019، له‌ تێرمیناڵی شاره‌زوور ئامانج بابانی، پێشكه‌شكاری كه‌ناڵی ئێن ئاڕ تی و لانە محەمەدی هاوسه‌ری، پێشكه‌شكاری كه‌ناڵی كوردسات و منداڵه‌كه‌یان بەناوی هانۆ، بە كوژاوی لە ئۆتۆمبیلەکەیاندا دۆزرانەوە، زۆرینه‌ی‌ ڕاگه‌یاندنكار و هونه‌رمه‌ندان و كه‌سایه‌تیه‌ ناسراوه‌كان و هاوڵاتیان خه‌مباری خۆیان له‌ڕێی تۆڕه‌ كۆمه‌ڵایه‌تیه‌كانه‌وه‌ بۆ مه‌رگی ئه‌م خێزانه‌ ده‌ربڕی.