بۆچی ئه‌و كه‌سانه‌ی كێشیان كه‌مه توشی نه‌خۆشی شه‌كره‌ی جۆری دووه‌م ده‌بن؟
وێستگە ستایل-
به‌شێوه‌یه‌كی نه‌ریتی له ئه‌نجامی تێكچوونی ده‌ردانی هۆرمۆنی ئه‌نسۆلین كه هۆرمۆنێكی تایبه‌ته به ڕێكخستنی شه‌كره‌ی ناو خوێن و كێشی زۆر و سیستمی خۆراكی ناته‌ندروست ئه‌گه‌ری توشبوون به نه‌خۆشی شه‌كره‌ی جۆری دووه‌م زیاد ده‌كات.
ئه‌نجامه‌كانی نوێترین توێژینه‌وه كه له زانكۆی جنێف له سویسرا ئه‌نجامدراوه تیایدا هاتووه تێكچوونی ئاستی هۆرمۆنی ئه‌نسۆلین به ته‌نها هۆكاری توشبوون نیه به شه‌كره‌ی جۆری دووه‌م به‌ڵكو ئه‌و كه‌سانه‌ی نه‌خۆشی "چه‌وری سه‌ر جگه‌ر" یان هه‌یه ته‌نانه‌ت ئه‌گه‌ر ئاستی ئه‌نسۆلینی ناو خوێنیان ئاسایی بێت ئه‌وه ئه‌گه‌ری توشبونیان به نه‌خۆشی شه‌كره‌ی جۆری دووه‌م زۆره.
چه‌وری سه‌ر جگه‌ر كار ده‌كاته سه‌ر زیادبوونی ڕێژه‌ی گلوكۆز له خوێندا و ئه‌مه‌ش ئه‌گه‌ری توشبوون به نه‌خۆشی شه‌كره‌ی جۆری دووه‌م زیاد ده‌كات.
AM:10:31:16/10/2019
ئه‌م بابه‌ته 4324
جار خوێنراوه‌ته‌وه