‌سوده‌كانی زەرداوی جگەر

وێستگە ستایل-


زراو كیسەیەكە لە ژێر بەشی ڕاستی جگەردا كاری كۆكردنەوەی زەرداوە كە لە جگەردا دروست دەبێت و لە ڕێگەی لولەكانی جگەرەوە دێت و لەكیسه‌یه‌كدا كۆدەبێتەوە، دكتۆر سیروان قه‌ره‌داغی‌ پسپۆری‌ نه‌شته‌رگه‌ری‌ گشتی‌، نه‌شته‌رگه‌ری‌ كۆئه‌ندامی‌ هه‌رس و جگه‌ر له‌م بابه‌ته‌دا پێنج گرنگترین سووده‌كانی زه‌رداوی جگه‌ر باس ده‌كات.


سوودەكانی زەرداو:
1. زۆر پێویستە بۆ هەرسی چەوری, وەك سابونی دەستشۆردن وایە كە ڕژا بە سەر چەوریەكەدا دەیتوێنێتەوە و ئامادەی دەكات بۆ هەرسكردن و هەڵمژین لە ڕێگەی ڕیخۆڵەكانەوە.

2. ڤیتامینەكانی (ئەی، ئی، د، ك) كە لە خواردنەوە وەر دەگیرێت دەتوێنێتەوە و ئامادەی دەكات بۆ هەرسكردن و هەڵمژین لە ڕێگەی ڕیخۆڵەكانەوە.

3. خڕۆكەی سووری خوێن كە دەشكێت ئەو هیمۆگلۆبینەی دەردەچێت ڕەنگەكەی زەردە، هەمووی لە ڕێگەی جگەرەوە كۆدەكرێتەوە و زەرداو پێكدەهێنێت و لەم ڕێگەوە جه‌سته‌ خۆی لێ ڕزگار ده‌كات.

4. ڕێژەیەكی زۆر لەو ژەهر و دەرمان و میكرۆب و مەی (عەرەق) و شتە زیانبەخشەكان كە دەخورێت و ده‌خورێته‌وه‌  لە جگەردا دەستبەسەر دەكرێت، بێهێز دە كرێت،  دەمرێنرێت،  وە یاخود وەك خۆی لە ڕێگەی زەرداوەوە فڕێ‌ دەدرێتە ناو ڕیخۆڵەوە بۆ ڕزگار بوون لێی.

5. ئەگەر زەرداو نەبێت ئادەمیزاد ناتوانێت سوود لە ڤیتامینی (ب 12) وەربگرێت و تووشی جۆرێك لە كەمخوێنی (فقر الدم) دە بێت.


AM:11:03:07/10/2019


ئه‌م بابه‌ته 300 جار خوێنراوه‌ته‌وه‌‌

ستایل