‌بۆ ئه‌وه‌ی‌ پێستت چرچ نه‌بێت ئه‌م خۆراكانه‌ بخۆ

وێستگە ستایل-


پسپۆڕانی بواری خۆراك و ته‌ندروستی ده‌ڵێن" خواردنی میوه‌ی‌ بلو بێری باشترین ڕێگه‌یه‌ بۆ مانه‌وه‌ی‌ پێست به‌ گه‌نجی و ته‌ندروستیه‌كی باش، ئه‌م میوه‌یه‌ سوود به‌ دڵ و مێشك ده‌گه‌یه‌نێت چونكه‌ بڕێكی باش  پێكهاته‌ی‌ دژه‌ ئۆكسێنه‌ری تیادایه‌"

ته‌نها بلو بێری نیه‌ كه‌ ئه‌م سووده‌ جادوییه‌ی‌ هه‌بێت چه‌ندین جۆری خۆراك و میوه‌ هه‌یه‌ كه‌ سوودی سه‌رسوڕهێنه‌ریان هه‌یه‌ بۆ ته‌ندروستی مرۆڤ و ئه‌گه‌ری پیری و چرچ بوونی پێست كه‌مده‌كه‌نه‌وه‌ له‌وانه‌ش:

1-چه‌ره‌س:
له‌ناو چه‌ره‌سدا ڕۆنی ته‌ندروست هه‌یه‌ كه‌ ئاستی كۆلیستڕۆڵی خوێن ئاسایی ده‌كاته‌وه‌ و پێست به‌ گه‌شاوه‌ی ده‌هێڵێته‌وه‌.

2-چای  سه‌وز:
ئه‌گه‌ر زۆر ئاره‌زووی خواردنه‌وه‌ی‌ چا ده‌كه‌یت ئه‌وه‌ چای سه‌وز باشترین بژارده‌یه‌ كه‌ ده‌وڵه‌مه‌نده‌ به‌ "  ECGC" یه‌كێكه‌ له‌ به‌هێزترین دژه‌ ئۆكسێنه‌ره‌كان كه‌ ڕێگری له‌ هه‌وكردن ده‌كات.

3-ماسی: 
هه‌وڵبده‌ خواردنی ژه‌مه‌كانت گۆشتی ماسی زۆر تیادا بێت به‌تایبه‌ت ماسی"سالمۆن و ساردین" كه‌ ده‌وڵه‌مه‌ندن به‌ ئۆمیگا سێ و ڤیتامین بی 12 بۆ دڵ و سوڕی خوێن زۆر به‌سووده‌ و ئاستی كۆلیستڕۆڵی زیان به‌خش له‌ خوێندا داده‌به‌زێنێت.

4-خه‌یار:
ئه‌م سه‌وزه‌یه‌ بڕێكی زۆر باش له‌ ئاو له‌ پێكهاته‌یدا هه‌یه‌ و یارمه‌تی مانه‌وه‌ی‌ پێست ده‌دات به‌ گه‌شاوه‌یی.

5-شۆكۆلاته‌:
به‌تایبه‌ت شۆكۆلاته‌ی‌ ڕه‌نگ تۆخ، ده‌وڵه‌مه‌نده‌ به‌ مادده‌ی‌ "فلاڤینۆید" پێست له‌ زیانه‌كانی تیشكی سه‌روو وه‌نه‌وشه‌ی‌ پارێزراو ده‌كات.


AM:09:12:22/08/2019


ئه‌م بابه‌ته 4916 جار خوێنراوه‌ته‌وه‌‌

ستایل