‌نیشانەکانی دووگیان بوون

وێستگە ستایل-


هەست دەکەیت دووگیان بوویت؟ تاکە رێگا بۆ دڵنیابوون بریتییە لە ئەنجامدانی پشکنین و سۆنه‌ر، بەڵام لەگەڵ ئەوەشدا چەند گۆڕانکارییەکی فسیۆلۆجی هەن لە جەستەدا کە پێت دەڵێن دووگیان بوویت، لەوانە:


1- خەوزڕان: ئەمەش بەهۆی بەرزبونەوەو نزمبوونەوەی ئاستی هۆڕمۆنی ئیسترۆجین و پرۆجیسترۆن ڕوودەدات.

2- لە قۆناغەکانی سەرەتای دووگیانیدا سەرئێشە زۆرە بەهۆی گۆڕانکاری لە پەستانی خوێندا.

3- گەورەبوونی قەبارەی منداڵدان دەبێتەهۆی فشارخستنە سەر میزەڵان، بەمەش دووبارەبوونەوەی میزکردن لە ڕۆژێکدا زۆرتر دەبێت.

4- ئەو ئافرەتانەی دووگیان دەبن، حەزێکی زۆریان بۆ خواردنێكی دیاریکراو لەلا دروست دەبێت.

5- بەهۆی گۆڕانکاری لە ئاستی هۆڕمۆنەکانی لەشدا، مەمک دەکەوێتە ژێر پرۆسەیەکی درێژ بۆ ئامادەبوون بۆ شیردان، لە چوارچێوەی ئەم پرۆسەیەدا سەرگۆی مەمکەکان گەورەتر دەبن و ڕەنگیان تۆخ ده‌بێت. هەر لەم ماوەیەدا ڕەنگە مەمکەکان گەورە ببن و ئافرەتە دووگیانەکە هەست بە سووتانەوە یان ئازار بکات. 

6- ئافرەتانی دووگیان لە قۆناغەکانی سەرەتای دووگیان بووندا زیاتر هەست بە شکستی و ماندووبوون دەکەن، هۆکاری سەرەکی هەستکردن بە ماندووبوون لەم ماوەیەدا دەگەڕێتەوە بۆ هۆڕمۆنی پرۆجیسترۆن و هۆکارە لاوەکییەکانی تر، بریتین لە دابەزینی رێژەی شەکر لە خوێندا، دابەزینی پەستانی خوێن و زۆربوونی رێژەی دروستبوونی خڕۆکە سوورەکان.


AM:09:58:16/07/2019


ئه‌م بابه‌ته 3364 جار خوێنراوه‌ته‌وه‌‌

ستایل