‌پیاوان له‌ژیانی هاوبه‌شدا له‌م هه‌ڵانه‌ دوور بكه‌ونه‌وه‌

وێستگە ستایل-


له‌ ژیانی هاوبه‌شدا كۆمه‌ڵێك كێشه‌ و گرفت دێته‌ پێشه‌وه‌ و باشتریش وایه‌ پیاوان له‌م هه‌ڵانه‌ دوور بكه‌ونه‌ونه‌وه‌ بۆ ئه‌وه‌ی‌ له‌ گرفت و كێشه‌ خێزانیه‌كان دووربن و ژیانێكی ئارامیان هه‌بێت.


1-كاتێك تۆی پیاو تەنها خەریكی بەدەست هێنانی خەونەكانی خۆتی و هەوڵ بۆ ئەو شتانە دەدەیت كە خۆت ئارەزووی دەكەیت  خانمەكەت پشت گوێ خستوە ئەوە دڵنیابە لەوەی كە هاوسەرەكەت لێت بێزار دەبێت و كێشە لەنێوانتاندا دروست دەبێت .

2-دوور بكەوەرەوە لە بەردەوام گەڕان بە دوای پێگە سێكسیەكان  چونكە ئەمە لەبەهای مرۆڤایەتی تۆ كەمدەكاتەوە لەپێش چاوی هاوسەرەكەت .

3-لەدەست نەكردنی ئەڵقەی هاوسەرگیری یەكێكی دیكەیە لەو شتانەی كە بەشێك لە خانمان پێی توڕە دەبن و ئارەزوو دەكەن ئەو پیاوەی هاوسەرگیری لەگەڵ دەكەن وەك نیشانەیەك بۆ ئەوەی كە هاوسەرگیریان كردوە ئەڵقەی لەپەنجەدا بێت .

4-پێویستە تۆی پیاو ئەوە بزانیت كە تەواوی كاتەكانت لە كاركردندا بەسەر نەبەیت و خێزانەكەت و هاوسەر و منداڵەكانت پێویستیان بەوەیە كە تۆ كاتیان لەگەڵ بەسەر ببەیت بۆ ئەوەی خۆشەویستی نێوانتان بەردەوام ڕوو لە زیاد بوون بێت .

5-كاتێك هاوسەرەكەت قسەت بۆ دەكات گوێی بۆ بگرەبە بێ نرخ لە قسەكانی مەڕوانە  و كاتێك لەگەڵی دادەنیشی گاڵتەی  پێ مەكە.

6-پشوەكان بەیەكەوە بەسەر ببەن و دووربكەوەرەوە لەوەی كە پشوەكانت بەتەنها بەسەر ببەیت چونكە خێزان و هاوسەرەكەت پێویستیان بەوە هەیە پشوەكان لەگەڵ تۆ بەسەر ببەن .

7-ئافرەت بەوە توڕە دەبێت بەردەوام هاوسەرەكەیی سەرقاڵی  قسەكردن بێت بە مۆیایل بەتایبەت ئەو كاتانەی لە ماڵەوەیە .

8-ئافرەت ئارەزوو دەكات هاوسەرەكەی یارمەتی بدات لە بەجێهێنانی ئەركی ماڵدا و بەمە دڵخۆش دەبێت  ،بەڵام كاتێك تۆی پیاو خۆت دوورە پەرێز دەگریت لە هەموو كارێك ئەوە دڵنیابە خانمەكەت ئەمەی پێ خۆش نیە .


PM:12:28:08/07/2019


ئه‌م بابه‌ته 4228 جار خوێنراوه‌ته‌وه‌‌

ستایل