هۆكارهكانی دروستبوونی ئاوی سپی چاو
وێستگە ستایل-
هۆکاری تەواوەتی دروستبوونی ئاوی سپی نەزانراوە، بەڵام چەندین هۆکاری هاندەر هەیە بەشدارن لە دروستبوونیدا، وەکو:
1- تەمەن: هەتا تەمەن زۆرتر بێت ئەگەری دروستبوونی ئاوی سپیش زۆرتر دەبێت.
2- تیشکی خۆر: هەتا تیشکی بەهێزی هەتاو زیاتر بدات لە چاو، ئەگەری دروستبوونی ئاوی سپیش زیاتر دەبێت.
3- بۆماوەیی: زۆرجار کەسی توشبوو، باوان یان خوشک و برای هەمان نەخۆشی ئاوی سپییان هەیە.
4- بوونی نەخۆشی جەستەیی و هەناوی: وەکو نەخۆشی شەکرە، فرەهەستیاری پێست، نەخۆشی پوکانەوەی ماسولکەیی و ...هتد.
5- بەکارهێنانی دەرمان بۆ ماوەیەکی زۆر، وەکو ستیرۆیدەکان، دێکسامیسازۆن، بێتامیسازۆن، هایدرۆکۆرتیزۆن، پریدنیزۆلۆن ....هتد
6- بەرکەوتن و بریندابوونی چاو بە زەبری دەرەکی زۆرجار ئاوی سپی درووست دەکات.
7- هەندێک جار بەرکەوتنی تەزووی کارەبا، یان چارەسەری تیشکی بۆ چارەسەری شێرپەنجە، یان بەرکەوتنی تیشکی بەهێزی ژێر سوور بە تایبەت لەو کەسانەی شوشەچین دەبنە هۆی دروستبوونی ئاوی سپی.
8- نەخۆشی چاو: هەندێک نەخۆشی چاو دەبنە هۆی دروستبوونی ئاوی سپی، وەکو: هەوکردنی ڕەنگینەی چاو، چاوکزی زیاتربێت لە ٦ پلە، شەوکوێری و هەندێک نەخۆشی تر.
9- زگماکی: هەندێک جار مناڵی تازە لەدایکبوو ئاوی سپی هەیە.
10- نەشتەرگەری چاو بۆ نەخۆشی تر لەوانەیە ببێتە هۆی دروستبوونی ئاوی سپی، وەکو نەشتەرگەری تۆڕەی چاو و ئاوی ڕەش.
دکتۆر ماکۆک محمد
پزیشکی نەشتەرگەری و نەخۆشیەکانی چاو
PM:12:32:17/06/2019
ئهم بابهته 3144
جار خوێنراوهتهوه