‌ڕێگه‌یه‌كی ئاسان بۆ كه‌مكردنه‌وه‌ی‌ په‌ستانی ده‌روونی به‌كاربهێنه‌

وێستگە ستایل-


یەکێک لە ڕێگا گرنگەکان بۆ کەمکردنەوەی‌ پەستانی‌ دەروونی‌ و دوورکەوتنەوە لە پەیدابوونی‌ نەخۆشی‌ دەروونی‌ وپەیدابوونی‌ نیشانەی‌ سترێسی‌ ژیانی‌ سیاسی‌ وکۆمەڵایەتی‌ وئابوری‌ وسۆزداری‌ لە مرۆڤ ئەوەیە کە ئەو شتەی‌ بیرت هیلاک دەکات وزۆر لێکدانەوەی‌ لە مێشکی‌ خۆتا بۆ دەکەیت لە لای‌ یەکێک باسی‌ بکەی‌ (ئیتر ئەو باسکردنە لەلای‌ کەسێکی‌ دڵسۆزو باوەڕپێکراو بێت یان لای‌ کۆمەڵێک کەس یان تەنانەت هەندێ جار بەنووسین).

 تەنانەت لای‌ شتێکی‌ بێ گیان هیچ جیاوازی‌ فراوانی‌ نیە، گرنگ باسکردنەکەیە وگرنگ ئەوەیە لە دڵ ومێشکی‌ خۆتتدا نەیهێنیت ونەی‌ بەیت و وەک ئەوەی‌ گیرو گرفتەکەت ده‌توانیت لای‌ قەنەفەو مێزو کورسیەکەت ولای‌ ئوتۆمبیلەکەت باس بکەیت .

گرنگ کردنی‌ گیروگرفتەکەتە بەووشەو دەربڕینیەتی‌ وقەتیس نەکردنیەتی‌ لە مێشکی‌ خۆتتدا، وە ئەم ڕێگەیە لای‌ زاناکانی‌ بواری‌ دەروونزانی‌ زۆر گرنگی‌ پێدراوە وەک شێوازی‌ چارەسەر کردن( catharsis) بەکاری‌ دەهێنن بە تایبەتی‌ بۆ ئەو کەسانەی‌ کە زوو زوو تووشی‌ حاڵەتی‌ (هیستیری‌)دەبن کە کەسەکە دەهێنرێتە قسەو دواندن چونکە ئەم جۆرە کەسانە تەنها بەباسکردنی‌ گیروگرفتە ناو خودیەکەیان چارەسەرەکەیان نیوەی‌ زیاتری‌ کراوە .


AM:08:48:01/06/2019


ئه‌م بابه‌ته 2664 جار خوێنراوه‌ته‌وه‌‌