‌ئالوده‌ بوون به‌ یاریه‌ ئه‌لیكترۆنیه‌كان نه‌خۆشییه‌

وێستگە ستایل-


ڕێكخراوی ته‌ندروستی جیهانی ئالوده‌ بوون به‌ یاریه‌ ئه‌لیكترۆنیه‌كانی وه‌ك جۆرێكی نوێ له‌ نه‌خۆشی ناساند و ئه‌و كه‌سه‌ی‌ به‌ ده‌ستیه‌وه‌ ده‌ناڵێنێت به‌م نزیكانه‌ و به‌شێوه‌یه‌كی فه‌رمی وه‌ك نه‌خۆش مامه‌ڵه‌ی‌ له‌گه‌ڵ ده‌كرێت.

ئالوده‌ بوون به‌ یاریه‌ ئه‌لیكترۆنیه‌كان كار ده‌كاته‌ سه‌ر ڕه‌فتاری تاك و ته‌نها ئه‌وه‌ ماوه‌ له‌ هه‌فته‌ی‌ داهاتودا ئه‌م حاڵه‌ت به‌ فه‌رمی وه‌ك نه‌خۆشی له‌ جیهاندا بناسێنرێت و چاره‌سه‌ری بۆ بدۆزرێته‌وه‌.

بڕیار وایه‌ كۆمپانیای مایكرۆسۆفت سه‌باره‌ت به‌ یاریه‌كان زیاتر كۆنتڕۆڵی بابه‌ته‌كه‌ بخاته‌ ژێر ده‌ستی دایكان و باوكانه‌وه‌ كاتێك منداڵه‌كانیان یاری ده‌كه‌ن.

سه‌رۆكی به‌شی یاریه‌ ئه‌لیكترۆنیه‌كان له‌ كۆمپانیای مایكرۆسۆفت دیف مكارسی ده‌ڵێت" لای خۆمانه‌وه‌ سنوری تایبه‌تمان داناوه‌ كه‌ دایك و باوك ده‌توانن سوودی لێ وه‌ربگرن بۆ به‌ڕێوه‌بردنی سیستمی یاریكردن كاتێك منداڵه‌كانیان یاری ده‌كه‌ن بۆنمونه‌ كاتی ته‌ماشاكردنی یاریه‌كه‌ و به‌كارهێنانی یاریه‌كه‌ و ده‌شتوانن زیاتر كار له‌سه‌ر ورده‌كاریه‌كانی ئه‌م بابه‌ته‌ بكه‌ن له‌ جیهانی دروستكردنی یاریه‌كاندا"

زۆر ئالوده‌ بوون به‌ یاریه‌ ئه‌لیكترۆنیه‌كان ڕه‌فتاری شه‌ڕه‌نگێزی و به‌د ڕه‌فتاری له‌ منداڵدا زیاد ده‌كات و زۆر گرنگه‌ دایكان و باوكان كۆنتڕۆڵی ئه‌و كاته‌ بكه‌ن كه‌ منداڵه‌كانیان به‌ یاریكردنه‌وه‌ به‌سه‌ری ده‌به‌ن.


AM:09:58:20/05/2019


ئه‌م بابه‌ته 548 جار خوێنراوه‌ته‌وه‌‌

ستایل