پێداویستیەکان:

سنگی مریشك به‌ چوار گۆشه‌ی براو
3 ته‌ماته‌ی وردكراو
1 كه‌چكی گه‌وره‌ دۆشاوی ته‌ماته‌
2پارچه‌ سیری قیمه‌كراو
1كوپ ماستی چه‌ور
نانی به‌چوار گۆشه‌ی براو برژا بێت به‌ فڕن
پارچه‌یه‌ك كه‌ره‌
زیره‌-بیبه‌ری ره‌ش –بیبه‌ری سوری شیرین-زه‌نجه‌فیل

ئاماده‌كردنی:
1-كه‌مێك كه‌ره‌ ده‌كه‌ینه‌ تاوه‌یه‌ك وسنگه‌كه‌ی تێده‌كه‌ین تا كه‌مێك ئاڵ ده‌بێت دواتر خوێ و بیبه‌ری ڕه‌ش و زه‌نجه‌فیل و بیبه‌ره‌ شیرینه‌كه‌ی  تێده‌كه‌ین تاكه‌ مریشكه‌كه‌ ئاوی پێوه‌ نامێنێت.

2-مریشكه‌كه‌ ده‌كه‌ینه‌ قاپێك دوای كه‌مێك كه‌ره‌ ده‌كه‌ینه‌ ناو تاوه‌كه‌وه‌و ته‌ماته‌ ودۆشاوه‌كه‌و هه‌ندێكی تر خوێ  وبیبه‌ری ڕه‌ش و3 كه‌وچكی گه‌وره‌ ئاوی تێده‌كه‌ین.

3-له‌ قاپێكدا ماست و سیر وكه‌مێكی تر خوێ وبیبه‌ری ڕه‌شی تێده‌كه‌ین .

4-له‌ سینیه‌كی پایرێكس كه‌ بۆ فڕن ببێت سه‌مونه‌ برژاوه‌كه‌ی تێده‌كه‌ین پاشان نیوه‌ی تێكه‌ڵ كراوی ماسته‌كه‌ی تێده‌كه‌ین،پاشان ته‌ماته‌ سوره‌كراوه‌كه‌ تێده‌كه‌ین دواتر سنگی مریشكه‌ برژاوه‌كه‌ ودواتر نیوه‌ی تری تێكه‌ڵه‌ی ماسته‌كه‌ی تێده‌كه‌ین.

5-ده‌خرێته‌ فڕنێكی گه‌رم كراو بۆ ماوه‌ی 10 خوله‌ك و ته‌نها به‌شی سه‌روه‌ی فڕنه‌كه‌ داده‌گرسێنین.

ده‌كرێ له‌باتی مریشك گۆشت به‌كاربێنیت.

PM:02:22:19/05/2019

ئه‌م بابه‌ته 3180 جار خوێنراوه‌ته‌وه‌‌