پێگه‌ی‌ ده‌یلی مه‌یلی به‌ریتانی له‌ هه‌واڵێكی تایبه‌تدا كه‌ له‌سه‌ر "ماسیۆ لیبری " بڵاویكردۆته‌وه‌ تیایدا هاتووه‌ ئه‌م گه‌نجه‌ له‌ ئوستورالیا ده‌ژی و گه‌شت بۆ زۆرێك له‌ وڵاته‌كانی جیهان ده‌كات و كار ده‌كات بۆ په‌ره‌پێدانی كۆمپانیا تایبه‌ته‌كانی له‌ بواری ته‌كنه‌لۆجیا، له‌ ئیستادا كه‌سێكی ده‌وێت بۆ ئه‌وه‌ی‌ كاری له‌گه‌ڵ بكات و له‌ گه‌شته‌كانیدا له‌گه‌ڵی بێت بۆ ته‌واوی ئه‌و وڵاتانه‌ی‌ بۆی ده‌چێت و له‌به‌رامبه‌ردا بڕی 52 هه‌زار دۆلار ده‌ده‌ن به‌ خاوه‌نه‌كه‌ی‌ و ته‌واوی تێچووی‌ گه‌شت و مانه‌وه‌ و خواردن و پێویستیه‌كان له‌سه‌ر ئه‌م گه‌نجه‌ ده‌بێت.

لیبری گه‌نجێكی پسپۆڕه‌ له‌ بوار "ته‌كنه‌لۆجیای ئه‌لیكترۆنی" و  ده‌ستكه‌وتی مانگانه‌ی‌ 120 هه‌زار دۆلاره‌ و  هاوكاری ئه‌و كه‌سانه‌ ده‌كات كه‌ ویستی ئه‌وه‌یان هه‌یه‌ پرۆژه‌ی‌ تایبه‌تی خۆیان هه‌بێت.

ئه‌و كه‌سه‌ی‌ لیبری ده‌یه‌وێت كاری له‌گه‌ڵ بكات پێویسته‌ ئه‌م تایبه‌تمه‌ندیانه‌ی‌ تیادا بێت:

1- توانای ئه‌نجامدانی چه‌ند كارێكی هه‌بێت له‌ یه‌ك كاتدا.

2- توانای ڕێكخستنی خشته‌ی‌ گه‌شته‌كانی هه‌بێت.

3-توانای كاركردنی له‌سه‌ر كۆمپیوته‌ر هه‌بێت.

4-توانایه‌كی زۆر باشی هه‌بێت له‌ كاركردن له‌ تۆڕه‌ كۆمه‌ڵایه‌تیه‌كان.

5-گرنگی بدات به‌ وورده‌كاریه‌كان.

6-سه‌ركه‌وتوو  بێت له‌ ڕێكخستنی كاروباره‌كانیان.

7- پاسپۆرتێكی به‌هێزی هه‌بێت.

8- كه‌سێكی وورد بێت له‌ كاره‌كانی.