‌هۆكاره‌كانی كاریگه‌ری نه‌خۆشی شه‌كره‌ له‌سه‌ر توانای سێكسی

وێستگە ستایل-

ژیانكردن له‌گه‌ڵ نه‌خۆشی شه‌كره‌ ڕه‌نگه‌ بابه‌تێكی ئاسان نه‌بێت چونكه‌ ئه‌م نه‌خۆشییه‌ كار له‌ زۆر بواری ژیان ده‌كات و بۆ ئه‌وه‌ش پێویسته‌ نه‌خۆش زانیاری ته‌واوی له‌سه‌ر نه‌خۆشیه‌كه‌ی‌ و چۆنیه‌تی ڕه‌فتاركردن له‌گه‌ڵی هه‌بێت.

له‌م بابه‌ته‌وه‌ كاریگه‌ری و په‌یوه‌ندی نێوان توشبوون به‌ نه‌خۆشی شه‌كره‌ و په‌یوه‌ندی سێكسی هاوسه‌ره‌كان ده‌زانیت چونكه‌ نه‌خۆشی شه‌كره‌ كاریگه‌ری خۆی له‌سه‌ر په‌یوه‌ندی سێكسی نێوان هاوسه‌ره‌كانیش جێده‌هێڵێت.

نه‌خۆشی شه‌كره‌ توانای سێكسی لاواز ده‌كات و له‌گه‌ڵ چونه‌ ته‌مه‌نه‌وه‌ ئه‌م نه‌خۆشیه‌ كاریگه‌ریه‌كانی زیاتر له‌سه‌ر توانای سێكسی ده‌رده‌كه‌وێت و هۆكاره‌كه‌شی بۆ ئه‌م حاڵه‌تانه‌ ده‌گه‌ڕێته‌وه‌.

1- نه‌خۆشی شه‌كره‌ كار له‌ سیستمی خۆراكی ده‌كات و نه‌خۆش ناتوانێت وه‌ك كه‌سێكی ئاسایی هه‌موو جۆره‌ خۆراكێك بخوات ئه‌مه‌ به‌شێوه‌یه‌كی ڕاسته‌وخۆ كاریگه‌ری له‌سه‌ر لاوازبوونی توانای سێكسی ده‌بێت.

2-خواردنی ده‌رمان: زۆرێك له‌و ده‌رمانانه‌ی‌ نه‌خۆشانی شه‌كره‌ به‌كاریده‌هێنن كاریگه‌ریان ده‌بێت له‌سه‌ر لاوازكردنی توانای سێكسی.

3-هه‌ستكردنی به‌رده‌وام به‌ ماندوێتی و بێزاری .

4-دڵه‌ ڕاوكێ و نائارامی باری ده‌رونی: ئه‌مه‌ ئه‌و دۆخه‌ ده‌رونیه‌یه‌ كه‌ هه‌ندێكجار توشبوو به‌ نه‌خۆشی شه‌كره‌ تیایدا ده‌ژی و ناتوانێت ژیانی خۆی به‌شێوه‌یه‌كی سروشتی به‌ڕێ بكات.

5-سڕبوونی ئه‌ندامی زاوزێ: یه‌كێك له‌و گرفتانه‌ی‌ نه‌خۆشی شه‌كره‌ هه‌یه‌تی هه‌ستكردنه‌ به‌ سڕبوون و مێروله‌كردنی ئه‌ندامی زاوزێ ئه‌مه‌ش توانای سێكسی نه‌خۆش لاواز ده‌كات.

6-خوێن به‌ بڕێكی كه‌متر ده‌چێت بۆ ئه‌ندامی زاوزێ و به‌هۆیه‌وه‌ توانای جوتبوونی هاوسه‌ره‌كان لاواز ده‌بێت.

7-ئه‌و ئافره‌تانه‌ی‌ توشی نه‌خۆشی شه‌كره‌ بوون ئه‌وه‌ له‌كاتی سێكسدا هه‌ست به‌ ئازار ده‌كه‌ن و ئاره‌زووی سێكسیان كه‌مده‌بێته‌وه‌.


AM:10:11:23/02/2019


ئه‌م بابه‌ته 7400 جار خوێنراوه‌ته‌وه‌‌

ستایل