‌شیری ئاڵتونی و سووده‌ جادوویه‌كانی

وێستگە ستایل-

پزیشكان و پسپۆڕانی بواری خۆراك پێیان وایه‌" شیری ئاڵتونی" باشترین جۆری خواردنه‌وه‌یه‌ كه‌ پێویسته‌ مرۆڤ به‌یانیان بیخواته‌وه‌ له‌جیاتی چا و قاوه‌ چونكه‌ به‌ گوێره‌ی‌ لێكدانه‌وه‌ی‌ ئه‌وان بێت سوودی جادووی هه‌یه‌ بۆ ته‌ندروستی.

شیری ئاڵتونی ده‌توانیت زۆر به‌ ئاسانی له‌ ماڵه‌وه‌ ئاماده‌ی‌ بكه‌یت چونكه‌ ته‌نها شیری ئاساییه‌ و چه‌ند جۆرێك له‌ به‌هاراتی تێكه‌ڵاو ده‌كرێت و به‌هۆیه‌وه‌ ڕه‌نگی زه‌رد ده‌بێت و ئه‌مه‌ش وایكردوه‌ پێی بوترێت شیری ئاڵتونی.

به‌گوێره‌ی‌ ئه‌و هه‌واڵه‌ی‌ پێگه‌ی‌ VITONICA بڵاویكردۆته‌وه‌ تیایدا هاتوه‌ كوپێك شیر هه‌ریه‌ك له‌ به‌هاراته‌كانی وه‌ك "زه‌رده‌چه‌وه‌ و هێل و دارچینی و زه‌نجه‌بیل و مێخه‌ك و بیبه‌ری تون" ی بۆ زیاد ده‌كرێت ئه‌مه‌ش تامێكی تایبه‌ت و خۆش به‌ شیره‌كه‌ ده‌دات جگه‌ له‌ سووده‌ سه‌رسوڕهێنه‌ره‌كانی و ئه‌گه‌ر ئاره‌زووی خواردنه‌وه‌ی‌ شیری ئاسایت نه‌كرد ئه‌وه‌ ده‌توانیت له‌جیاتی ئه‌وه‌ شیری باده‌م ئه‌م پێكهاتانه‌ی‌ تێكه‌ڵاو بكه‌یت و بیخۆیته‌وه‌.

نتيجة بحث الصور عن الحليب الذهبي 
ئه‌م گیراوه‌یه‌ ده‌وڵه‌مه‌نده‌ به‌ كانزاكانی وه‌ك "ئاسن و كالسیۆم و پۆتاسیۆم و چه‌ندین ڤیتامین و پێكهاته‌ی‌ دژه‌ ئۆكسێنه‌ر و چه‌ندین جۆری دژه‌ هه‌وكردن كه‌ توانای چاره‌سه‌ری هه‌وكردنی هه‌یه‌ و سوودی زۆره‌ بۆ ته‌ندروستی.

نتيجة بحث الصور عن الحليب الذهبي 
شیری ئاڵتونی توانای چاره‌سه‌ری هه‌وكردنه‌ تونده‌كانی ناوه‌وه‌ی له‌شی هه‌یه‌ و به‌رگری به‌هێز ده‌كات دژی په‌تاكانی وه‌رزی زستان و زه‌رده‌چه‌وه‌ باری ده‌رونی مرۆڤ ئارام ده‌كاته‌وه‌ و ئه‌گه‌ری توشبوون به‌ زه‌هایمه‌ر كه‌مده‌كاته‌وه‌ و توانای به‌هێزكردنی توانای یاده‌وه‌ری و كه‌مكردنه‌وه‌ی‌ خه‌مۆكی هه‌یه‌.

نتيجة بحث الصور عن الحليب الذهبي 

یه‌كێكی دیكه‌ له‌ سووده‌كانی كه‌ زۆر كه‌س ئاره‌زووی ده‌كه‌ن دابه‌زاندنی كێشی زیادده‌ی‌ له‌شه‌ چونكه‌ ته‌واوی ئه‌و به‌هاراتانه‌ی‌ تێی ده‌كرێت زینده‌ چالاكیه‌كانی له‌ش خێراتر ده‌كه‌ن و كالۆری زیادده‌ی‌ له‌ش ده‌سوتێنن و ئه‌مه‌ش ده‌تكاته‌ خاوه‌ن جه‌سته‌یه‌كی جوان و ڕێك.


AM:09:40:13/01/2019


ئه‌م بابه‌ته 3336 جار خوێنراوه‌ته‌وه‌‌

ستایل