هه‌ندێك له‌ خانمان له‌ كاتێكی زووه‌وه‌ سۆنه‌ر ده‌كه‌ن بۆ ئه‌وه‌ی‌ به‌ ته‌واوه‌تی له‌ ته‌ندروستی كۆرپه‌كه‌یان دڵنیا ببن به‌ڵام له‌به‌ر ئه‌وه‌ی‌ كه‌ ترپه‌كانی دڵی زۆر لاوازه‌ پێیان وایه‌ كه‌ كۆرپه‌كه‌ی‌ ناژی و جارێ دڵی ده‌ستی به‌ لێدان نه‌كردوه‌.

 

دڵی كۆرپه‌ی‌ ساوا له‌ پێنجه‌م هه‌فته‌ی‌ دووگیانی ده‌ست  به‌ لێدان ده‌كات  و له‌به‌ر لاوازی و هێواشی لێدانه‌كانی كه‌ ده‌گاته‌ 100 لێدان له‌ خوله‌كێكدا  به‌ ئامێره‌ پزیشكیه‌كان هه‌ستی پێ ناكرێت و دوای تێپه‌ڕ بوونی چه‌ند هه‌فته‌یه‌كی دیكه‌ له‌ڕێی بیسته‌ر یان سۆنه‌ر پێش هه‌فته‌ی‌ ده‌هه‌م هه‌ستی پێ ده‌كرێت و به‌ نزیكه‌ی‌ 195 بۆ 200 لێدانه‌ له‌ یه‌ك خوله‌كدا و له‌ هه‌فته‌ی‌ 12 هه‌مینی دووگیانی لێدانی دڵی كۆپه‌ جێگیر ده‌بێت و ده‌گاته‌ 120 بۆ 160 ترپه‌ له‌ یه‌ك خوله‌كدا.