ئه‌گه‌ر تۆ یان یه‌كێك له‌ كه‌س و دۆست و نزیكه‌كانت له‌ دۆخێكی له‌م شێوه‌یه‌دا ده‌ژین ئه‌وه‌ مانای وایه‌ له‌گه‌ڵ هاوبه‌شێكی ژیان ڕه‌فتار ده‌كه‌ن كه‌ ویستی ئه‌وه‌ی‌ هه‌یه‌ به‌سه‌رتاندا زاڵ بێت، ئه‌مه‌ بۆچوونی تیری دیاز سیندرا یه‌ كه‌ پزیشكێكی ده‌رونیه‌ و پسپۆڕی كێشه‌ و په‌یوه‌ندیه‌ كۆمه‌ڵایه‌تیه‌كانه‌ له‌ كتێبی " چۆن هاوسه‌ری خراپ دیاری ده‌كه‌یت" باسی كردوه‌ و پێی وایه‌ ئه‌مه‌ دۆخێكی ناخۆشه‌ و هێشتا له‌ سه‌ده‌ی‌ 21 و له‌گه‌ڵ پێشكه‌وتنی جیهان هێشتا كه‌سانێك هه‌ن به‌م شێوه‌یه‌ ڕه‌فتار له‌گه‌ڵ هاوبه‌شی ژیانیان ده‌كه‌ن.

ئه‌مانه‌ تایبه‌تمه‌ندیه‌كانی هاوسه‌ری خراپه‌:

1- به‌رده‌وام به‌ په‌یوه‌ندیه‌ خۆشه‌ویستیه‌ كۆنه‌كانی شانازی ده‌كات.

2-هیچ گرنگی نادات به‌ په‌یوه‌ندی له‌گه‌ڵ هاوسه‌ره‌كه‌ی‌.

3-بێ ڕێزی ده‌كات به‌ هاوسه‌ره‌كه‌ی‌.

4-به‌رده‌وام ویستی ئه‌وه‌ی‌ هه‌یه‌ وه‌ك پاڵه‌وان ده‌ربكه‌وێت.

5-هیچ گرنگی به‌ هه‌ست و سۆزی ئه‌و كه‌سانه‌ نادات كه‌ له‌ ده‌وروبه‌رین و ڕقی له‌ ده‌وروبه‌ره‌كه‌یه‌تی.

6-نوكته‌ و پێكه‌نین بۆ شكاندنه‌وه‌ی به‌رامبه‌ره‌كه‌ی‌ به‌كارده‌هێنێت.

7-درۆ ده‌كات و له‌ ڕوبه‌ڕوو بونه‌وه‌ خۆی ده‌پارێزێت.