‌به‌رده‌وام جوینی بنێشت له‌وه‌ مه‌ترسیدار تره‌ كه‌ چاوه‌ڕێی ده‌كه‌یت

وێستگە ستایل-

زۆرێك له‌ ئێمه‌ بۆ خۆشكردنی بۆنی ده‌م  هه‌ناسه‌ به‌رده‌وام بنێشت ده‌جوین، به‌ڵام ده‌زانیت ئه‌م كاره‌ ته‌ندروست نییه‌ و مه‌ترسیداره‌؟

له‌ ڕاستیدا پزیشكان ڕێنمویمان ده‌كه‌ن كه‌ به‌رده‌وام بنێشت نه‌جوین چونكه‌ له‌جیاتی خۆشكردنی بۆنی هه‌ناسه‌ زیان به‌ ته‌ندروستیمان ده‌گه‌یه‌نێت .

جوینی بنێشت به‌ به‌رده‌وامی تێكڕای ده‌ردانی ترشه‌ڵۆكی گه‌ده‌ زیاد ده‌كات و پێش خواردنی ژه‌مه‌كان هیچ پێویست نییه‌ بنێشت بخورێت چونكه‌ له‌م حاڵه‌ته‌دا زیان به‌ گه‌ده‌ ده‌گه‌یه‌نێت و ئه‌گه‌ری دروستبوونی برینی تیادا زۆر ده‌كات.
جگه‌ له‌وه‌ جوینی بنێشت به‌به‌رده‌وامی غازات و هه‌ڵئاوسانی ناوسك زیاد ده‌كات و هه‌ندێك له‌و جۆرانه‌ی‌ شیرینن هۆكار ده‌بن بۆ سكچووم و زیان به‌ مینای ددان ده‌گه‌یه‌نن و په‌ڵه‌ و ڕوشاوی له‌سه‌ر ددان دروست ده‌كه‌ن و كاردانه‌وه‌ی‌ خراپی له‌سه‌ر یاده‌وه‌ری كورت خایه‌ن هه‌یه‌ له‌ مێشكدا و ده‌بێته‌ هۆی ڕه‌ق بوونی ماسولكه‌كانی شه‌ویلگه‌.

له‌گه‌ڵ هه‌موو زیانه‌كانی جوینی بنێشت له‌كاتی ڕۆشتندا واده‌كات خێراتر بڕۆیت و كالۆری زیادده‌ی‌ له‌ش ده‌سوتێنێت و تێكڕای لێدانی دڵ زیاد ده‌كات ئه‌مه‌ش بۆ ته‌ندروستی پێویسته‌، كه‌واته‌ ئه‌گه‌ر بنێشت ده‌جویت ته‌نها زیادده‌ ڕه‌وی تیادا مه‌كه‌ بۆ ئه‌وه‌ی‌ له‌ جێی سوود زیان به‌ ته‌ندروستیت نه‌گه‌یه‌نێت.


AM:10:16:08/11/2018


ئه‌م بابه‌ته 1937 جار خوێنراوه‌ته‌وه‌‌