لەم جۆرە روتانەوەدا مووی ڕوتاوە لە ڕەگەوە دەردێ و سەلکی موو بێ رەنگ و بێ بەرگە ،لە کەسێکی ئاسایی نزیکەی ١٠- ١٥% ی مووی سەر لە قۆناغی پشوودان و ٩٥-٨٥% ی لە قۆناغی گەشە و ١-٢% قۆناغی هەڵوەریندایە.

هۆکارەکان:

1-نەخۆشی بە تایبەت ئەوانەی کە تایەکی قورسیان لەگه‌ڵدایە وەک گرانەتا، تای مالتا، مەلاریا.

2- نەشتەرگەری، شەکرە، دوای منداڵبوون، دابەزینی کێش و رێجیمی خێرا و کەمخوێنی، بەدخۆراکی: وەک کەمی بایۆتین و ئاسن و زینک و ڤیتامین B12 و ترشەچەورەبنەرەتیەکان.

3-- فشاری دەروونی، پاش روودانی کارەساتێکی دلتەزێن، تێکچونی رژێنی دەرەقی، قژروتانەوەی شیوازی androgenic alopecia

4- دەرمان: دژە شێرپەنجە، دژەخوێن مەینەکان، رێتینۆیدەکان، سایمیتیدین و هتد .

5- نەخۆشییە درێژخایەنەكانی پێست: نەخۆشی سەدەف، گورگە سورە .

چارەسەر:

ئەگەر هۆکاری هەڵورینەکە لاچوو دوای ٩ بۆ ١٢ مانگ موەکان دەگەرێنەوە قۆناغە ئاساییەکەی خۆیان، بە تێپەرینی کات چری مووی سەر ئاسایی دەبێتەوە و هەلورینە نا ئاساییەکە نامێنێت، دەبێت گرنگی بە خۆراکی پر ڤیتامین بدرێت و هەندێكجار خەپلەی ڤیتامینی تایبەت بە موو لەگەل شلەی تایبەت بە هەڵوەرینەکە پێویستە، دورکەوتنە لە راکێشانی موو و بەکارهێنانی ئاوی زۆر گەرم و ئوتووی قژ، به‌ڵام لە هەندێك باردا هۆکار دیار نیە و بەلێشاو وەرینی درێژخایەن روو ده‌دات و پێویستە نەخۆش بەردەوام لە ژێر چارەسەر و چاودێری پزیشکی پێستدا بێت.

ئامادەکردنی

د. ئەیوب عبدول حمە 

پسپۆڕی نەخۆشیەکانی پێست و جوانکاری و لەیزەر