‌نه‌خواردنی شه‌کری سپی خانه شێرپه‌نجه‌ییه‌كان ده‌كوژێت؟

وێستگە ستایل-

بڵاوکردنه‌وه‌ی هه‌واڵی زانستی ناڕاست و بێ به‌ڵگه‌ی زانستی به‌رده‌وامه‌، یه‌کێک له‌و هه‌واڵانه‌ بریتی یه‌ له‌ چاره‌سه‌رکردنی نه‌خۆشی شێرپه‌نجه‌ و خۆپاراستن لێی له‌ ڕێگه‌ی نه‌خواردنی شه‌کری سپیه‌ که‌ گوایه‌ خانه‌ شێرپه‌نجه‌کان ده‌کوژێت له‌ ماوه‌ی ٤۲ ڕۆژدا چونکه‌ حه‌زیان له‌ شه‌کره‌ و بێ ئه‌وه‌ ده‌مرن.

۱ ـــ ئه‌م هه‌واڵه‌ دووره‌ له‌ ڕاستیه‌وه‌ و ته‌نها چه‌واشه‌کاریه‌ ته‌نها بۆچوونی دكتۆر ڕایمۆند فڕانسیس و کۆمه‌ڵێک زانای تره‌وه‌ وه‌ک تۆماس سایفریده‌ که‌ ته‌نها هه‌ستاوون به‌ دووباره‌ تازه‌ بڵاوکردنه‌وه‌ی بۆچوونێکی کۆنی زانایه‌کی تریان که‌ ئۆتۆ واربۆرگه‌ که‌ پێش هه‌شتا ساڵ بڵاوی کردۆته‌وه‌ به‌ڵام تا ئێستا نه‌یان توانیووه‌ به‌ به‌ڵگه‌ی زانستی بیسه‌لمێنێن تا ئه‌م چرکه‌ ساته‌ پێشتر له‌ ئه‌مریکا و ئه‌وروپا به‌ درۆ خراوه‌ته‌وه‌ ۰.

2- شه‌کری سپی له‌ مادده‌ی سوکه‌رۆز پێک هاتووه‌ و له‌ ناو له‌ش دا ده‌گۆڕێت بۆ گلوکۆز به‌ڵام هه‌موو جۆره‌کانی کاربۆهیدارات له‌ ناو له‌ش دا له‌وانه‌ شه‌کری ناو میوه‌ و دانه‌وێڵه‌ به‌ هه‌مان شێوه‌ ده‌گۆڕێت بۆ گلوکۆز واته‌ نه‌خواردنی شه‌کری سپی ته‌نها جۆری سه‌رچاوه‌که‌ی ده‌گۆڕێت.

3-  ته‌نانه‌ت ئه‌گه‌ر مرۆڤ هه‌موو جۆره‌ کاربۆهیدراته‌کان نه‌خوات ، خانه‌ شێرپه‌نجه‌کان نامرن چونکه‌ ده‌توان وزه‌ی پێویست له‌ پڕۆتین و چه‌وری وه‌ربگرن هاوشێوه‌ی هه‌موو خانه‌ ساغه‌کانی له‌ش.
4- بڵاوکردنه‌وه‌ی ئه‌م هه‌واڵانه‌ ده‌بێته‌ هۆی دوورکه‌وتنه‌وه‌ی نه‌خۆشی شێرپه‌نجه‌ له‌ چاره‌سه‌ری پزیشکی گونجاو . 
5- بێگومان شه‌کری سپی و دروستکراو زیانی زۆره‌ نه‌خواردنی شه‌کری سپی به‌ته‌نها تا ئێستا نه‌سه‌لمێنراوه‌ که‌ ڕێگه‌ ده‌گرێت له‌ شێرپه‌نجه‌، به‌ڵام ڕاستیه‌که‌ی ئه‌وه‌یه‌ زۆر خواردنی شه‌کر ده‌بێته‌ هۆی زیادکردنی ئه‌گه‌ری قه‌ڵه‌وی و بێهزکردنی کۆئه‌ندامی به‌رگری له‌ش و چه‌ندین ده‌رئه‌نجامی خراپی تر که‌ ئه‌گه‌ری تووشبوون به‌ چه‌ندان جۆری شێرپه‌نجه‌ زیاد ده‌کات ، واته‌ به‌ ته‌نها نه‌ خواردنی شه‌کر نابێته‌ هۆی خۆپاراستن له‌ شێرپه‌نجه‌ .

6- هه‌موو خانه‌کان گلۆکۆز به‌کار دێنن به‌ڵام خانه‌ شێرپه‌نجه‌یه‌کان زیاتر چونکه‌ چالاکترن.

7- ئه‌م ڕوونکردنه‌وه‌یه‌ مانای ئه‌وه‌ نیه‌ شه‌کری دروستکراو زیانی نیه‌ خودی خۆم ئاماژه‌م به‌ زیانه‌کانی کردووه‌ و له‌ پێناو ته‌ندروستی باش و خۆپاراستن و چاره‌سه‌ری هه‌موو نه‌خۆشیه‌ک نه‌خواردنی شه‌کری دروستکراو و شیرینی یه‌کێکه‌ له‌ بنه‌ما سه‌ره‌کیه‌کان.
8- دكتۆر ڕایموند فڕانسیس خۆی له‌ چاوپێکه‌تنێکی که‌ناڵی جه‌زیره‌ له‌ ساڵی ۲۰۱٦ وتی له‌ ماوه‌ی ۱٥ ساڵی ڕابردوو سێ جار تووشی هه‌ڵامه‌ت بووم و له‌ ساڵێک دا چوار جار شه‌کر ده‌خوات .

دکتۆر کامه‌ران رسوڵ ژاژڵه‌یی 
پسپۆڕی زانستی خۆراک و نه‌شته‌رگه‌ری گشتی


PM:05:56:08/09/2018


ئه‌م بابه‌ته 5084 جار خوێنراوه‌ته‌وه‌‌

ستایل