باتی ووت كه‌ شاره‌زایه‌كی بواری ده‌رونی و زمانی جه‌سته‌  ڕاپۆرتێكی تایبه‌تی له‌ پێگه‌ی‌ "independent" بڵاوكردۆته‌وه‌ و ئاشكرای كردوه‌ ئه‌و كاته‌ی‌ ئافره‌ت سه‌رنجی پیاوێك ڕابكێشێت ئه‌وه‌ ئاستی هۆرمۆنی تستۆستیرۆن له‌ جه‌سته‌ی‌ پیاو به‌رز ده‌بێته‌وه‌ و ئه‌مه‌ش واده‌كات چه‌ند نیشانه‌یه‌ك له‌سه‌ر جه‌سته‌ی‌ ده‌ربكه‌وێت و گۆڕانكاریه‌كان كتوپڕن و پێشتر پیاوه‌كه‌ هیچكام له‌م نیشانانه‌ی‌ تیادا ده‌رنه‌كه‌وتوه‌.

له‌م حاڵه‌ته‌دا پیاو ئه‌م نیشانانه‌ی‌ تیادا ده‌رده‌كه‌وێت له‌وانه‌ش" بڵاوكردنه‌وه‌ی‌ قاچه‌كانی له‌كاتی وه‌ستاندا بۆ ئه‌وه‌ی‌ ببێته‌ جێگه‌ی‌ سه‌رنج و شانه‌كانی پانتر ده‌رده‌خات و ئه‌مه‌ش مانای وایه‌ زۆر متمانه‌ی‌ به‌خۆی هه‌یه‌ و له‌ ڕوخساریدا ئه‌و ئاماژانه‌ ده‌رده‌كه‌وێت كه‌ پیاوێكی خاوه‌ن ده‌سه‌ڵات و هێزه‌ و به‌ ته‌واوه‌تی وه‌ك كه‌سێك ده‌رده‌كه‌وێت كه‌ ئاماده‌ بێت بۆ هێرش بردن و له‌ ڕاستیدا ئه‌م شێوه‌یه‌ی جه‌سته‌ی‌ پیاو به‌ مانای هه‌وڵدانی دێت بۆ پاراستنی ئه‌و ئافره‌ته‌ی‌ عاشقی بووه‌ و كه‌س توانای ئه‌وه‌ی‌ نه‌بێت ئازاری بدات"

ئه‌گه‌ر پیاو له‌ كاتی ئاسایدا جه‌سته‌ و ڕه‌فتاری جه‌سته‌ی‌ به‌و شێوه‌یه‌ بێت ئه‌وه‌ ئاساییه‌ و ئه‌گه‌ر دۆخه‌كه‌ ئاسایی نه‌بێت و له‌ پڕێكدا بێت ئه‌وه‌ مانای وایه‌ سه‌رقاڵی ناپاكییه‌.