ڕێگه‌یه‌كی ئاسان بۆ ئاماده‌كردنی شۆربای سپێناخ
وێستگە ستایل-
سپێناخ یەکێکە لەو سەوزانەی کە چەندین سوودیان هەیە و پڕە لە ئاسن و فۆلیک ئەسید، ئێستا وەرزی سپێناخە و لەوانەیە زۆرینەمان تەنها بەکاڵی بیخۆین بەڵام دەتوانرێت وەکو سووپ لێبنرێت.
کەرەستەکان:
یەک کیلۆ سپێناخ یاخود ٢ دەسکی گەورە
١ کیلۆ تەماتە
١ کەوچک دۆشاوی تەماتە
ئاڵەت بە پێی ئارەزوو
خوێ
١ کەوچک برنج
١ سەڵک پیاز
٢ دەنک سیر
٢ کوپی گەورە ئاو یاخود گۆشتاو
ئەم خوردنە بەشی ٤ کەس دەکات و پێویستی بە ٣٠ خولەک هەیە تا ئامادە دەبێت.
ئامادەکردن:
پیازەکە جوان دەئەنجنرێت و لەناو یەک مڵاک ڕۆنی خۆماڵی یاخود زەیت سوور دەکرێتەوە و دوای تۆزێک سیرەکە لەرەدندە دەدرێت و ئەویش لەگەڵ پیازەکە سوور دەکرێتەوە تا ڕەنگیان ئاڵتونی دەبێت و دۆشاوی تەماتەکەی تێدەکرێت دواتر و خۆێ و بەهاراتەکەشی تێدەکرێت.
تەماتەکە لە رەندە دەرێت و لەگەڵ سیر وپیازەکە تێکەڵ دەکرێت و برنجەکەی تێدەکرێت و لەسەر ئاگرێکی مام ناوەندی جێ دەهێلرێت.
سپێناخەکە زۆر ورد دەئەنجنرێت و تێکەڵ بەپێکهاتەکانی تر دەکرێت، ئێستا سەری دادەخەین، دوای ماوەیەک کۆشتاوەکەی بە ٢ جار تێدەکرێت و تێکدەدرێت.
ئەم شۆربایە لەگەڵ برنج و زەڵاتە پێشکەش دەکرێت، بەڵام هیچ کات نابێت شۆربای سپێناخ بۆ جاری دووەم گەرم بکرێتەوە چونکە دەئۆکسێت و ژەهر لە لەش درووست دەکات.
PM:04:34:11/03/2018
ئه‌م بابه‌ته 2658
جار خوێنراوه‌ته‌وه