ئەوەی چاوەڕێی ناكەیت چارەسەری خەڵەفان دەكات
وێستگە ستایل-
زانا ئەمەریكیەكان لەڕێی توێژینەوەیەكی نوێوە ئەوەیان ئاشكرا كردوە چەند نەخۆشییەكی مێشك و دەرون لەناویاندا خەڵەفان كە توشی كەسە بەتەمەنەكان دەبێت دەكرێت لەڕێی چەند جۆرێك یاری كۆمپیوتەریەوە ئەگەری توشبوون پێی بە ڕێژەی %30 كەمبكرێتەوە.
ئەم توێژینەوەیە لە گۆڤاری "دەیلی میرۆر" ی بەریتانیدا بڵاوكراوەتەوە تیایدا ئەوە هاتوە یاریە كۆمپیوتەرییەكان وەك ئەوانەی بۆ فێربوونی شۆفێری كردنی ئۆتۆمبێلە یان ئەو یاریە كۆمپیوتەریانەی خۆیان شۆفێری كردنی ئۆتۆمبێلن توانای ئەوەیان هەیە مێشك چالاك بكەن و لە مەترسی توشبوون بە زەهایمەر مرۆڤ پارێزراو بكەن.
زانا ئەمەریكیەكان بۆ ئەم توێژینەوەیە چەند یارییەكی كۆمپیوتەریان لەسەر مێشكی بەتەمەنەكان تاقیكردەوە و تەمەنی بەشداربوەكان لەنێوان 70 بۆ 80 ساڵدا بوو و لە چەندین وڵاتی جیاوازەوە بەشداریان كردبوو، لەڕێی ئەم توێژینەوەیە ئەوە ئاشكرا بوو یاریە ئەلیكترۆنیەكان توانای ئەوەیان هەیە مەترسی توشبوون بە زەهایمەر بەڕێژەی %30 كەمبكەنەوە.
زاناكان ئەوەیان ئاشكرا كردوە یاریە ئەلیكترۆنیەكان توانای چالاككردنی مێشك و دەماغیان هەیە، بۆ ئەوەی توشی زەهایمەر نەبیت باشتر وایە ڕۆژانە بۆ ماوەی چەند خولەكێك ئەم یاریانە ئەنجام بدەیت.
AM:09:23:21/11/2017
ئه‌م بابه‌ته 3596
جار خوێنراوه‌ته‌وه