بۆ كەمكردنەوەی ئەگەری لەبارچوونی كۆرپەكەت ئەم ڤیتامینانە بخۆ
وێستگە ستایل-
هەمەچەشنی ڤیتامینەكان كاریگەریان لەسەر تەندروستی كۆرپە و دایك دەبێت ، نوێترین توێژینەوە كە لەەسر مشكی تاقیگە ئەنجامدراوە تیایدا ئەوە هاتوە خواردنی ڤیتامین B3 ئەگەری لەبارچوون و شێواوی جەستە و ڕوخسار لە منداڵدا كەمدەكاتەوە .
پزیشكەكان لە پەیمانگای (گیكتۆر تشانگ) لە سیدنی لەڕێی توێژینەوەیەكی نوێوە ئەوەیان ئاشكرا كردوە كە خواردنی چەند جۆرێك ڤیتامین ئەگەر ناتەواوی سەر جەستە و ڕوخساری منداڵ و لەبارچوونی منداڵ كەمدەكاتەوە بەتایبەت ڤیتامین B3 ئەم توێژینەوەیەش دوای ئەوە دێت هەموو ساڵێك لە سەرتاسەری جیهان 7.9 ملیۆن منداڵ بە ناتەواوی و كەمئەندامی لەدایك دەبن .
بۆ ئەم توێژینەوەیە توێژەرەوەكان كاریان لەسەر شیكردنەوەی ناوكە ترشی DNA ناو ئەو خێزانانە كرد كە دایكەكە كێشەی لەبارچوونی منداڵی هەبوو و چەند ئافرەتێكی دیكەش كە منداڵی كەمئەندامیان ببو (دڵیان لاوز بوو و گورچیلەیان كێشەی هەبووە و تەنانەت ئەو منداڵانەش كە بڕبڕەكانی پشتیان كێشەی هەبووە )
زاناكان ئەوەیان ئاشكرا كردوە كە دوو بۆهێڵی سەر كرۆمۆسۆمەكان بەپرس دەبێت لە دروست بوونی كێشە لە جەستەی منداڵدا كە پێی دەوترێت ( Nicotinamide adenine dinucleotide ) و بەرپرسی بەخشینی ووزەیە بە خانەكانی جەستە بۆ ئەوەی ئەندامەكانی لەش بەشێوەیەكی سروشتی گەشە بكات و دوای چەند جار دووبارە كردنەوەی ئەم توێژینەوەیە لەسەر مشكی تاقیگە زاناكان گەیشتنە ئەو ئەنجامەی دەكرێت لەڕێی خواردنی ڤیتامین B3 و ئەو خۆراكانەی بەم ڤیتامینە دەوڵەمەندن لە ماوەی دووگیانیدا ئەم هەڵەیە ڕاست بكرێتەوە
AM:09:43:19/10/2017
ئهم بابهته 2156
جار خوێنراوهتهوه