زیانەكانی دەرمانە قڕكەرەكان لەسەر منداڵی كۆرپە
وێستگە ستایل-
بەپێی لێكۆڵینەوەیەكی فەرەنسی دەركەووتووە بەركەوتنی دەرمانی قڕكردنی مێروو بەژنانی دووگیان دەبێتە هۆی دروستبوونی مەترسی و ئەگەری زیادبوونی تووشبوونی كۆرپەكانیان بە وەرەم و شێرپەنجەی مێشك ، كەئەو ماددە كیمیاییانە دەكرێت بە بەربوومە كشتوكاڵیەكان بۆ پاراستنیان لەمێرووە زیان بەخشەكان.
نیكۆلا دیگۆربید سەرۆكی تیمی لێكۆڵینەوە لەپەیمانگای فەرەنسی بۆ تەندروستی و توێژینەوەی پزیشكی رایگەیاند: ئەنجامی لێكۆڵینەوەكەیان رێنماییەكە بۆ دایكان بۆئەوەی خۆیان بەدووربگرن لەمەترسی بەركەوتنی دەرمانی قڕكردنی مێروو لەكاتی دووگیان بوون ، چونكە ئەو مەوادە كیمیاییانە چەند مەوادێكی شێرپەنجەیی تێدایە كەلەرێگەی وێڵاشەوە دەگوزارێتەوە.
لێكۆڵەرانی پەیمانگای فەرەنسی بۆ تەندروستی و لێكۆڵینەوەی پزیشكی پشكنینیان بۆ 3539 منداڵی خوار تەمەنی 15 ساڵی كردووە بۆ زانینی مەترسیەكانی بەركەوتنی مەوادی قڕكردنی مێروو لەوكاتەی لەسكی دایكیان بوون.
ئا / ڕاگەیاندنی تەندروستی سلێمانی
سەرچاوە: " ئیلاف "
AM:09:46:16/10/2017
ئه‌م بابه‌ته 2699
جار خوێنراوه‌ته‌وه