زه‌یتی زه‌یتون  یه‌كێكه‌ له‌ باشترین جۆره‌كانی زه‌یت بۆ پێست و قژ، جگه‌ له‌وه‌ی بۆ خواردنیش زۆر به‌سوده‌ و نابێته‌ هۆی كۆبونه‌وه‌ی چه‌وری و به‌پێچه‌وانه‌وه‌ سودێكی زۆری هه‌یه‌.

زه‌یتی زه‌یتون به‌شێوه‌یه‌كی گشتی له‌ زۆر ماڵدا هه‌یه‌، هه‌ر بۆیه‌ ئاسانه‌ به‌كارهێنانی هه‌ركاتێك مه‌به‌ست بێت، چونكه‌ باشترین خۆراكی پێسته‌ و ده‌توانیت پێش خه‌وتن شه‌وانه‌ له‌ پێستی روخسارتی بده‌یت، بۆ ماوه‌یه‌كی كه‌م ده‌ستی پێدا بهێنیت وه‌ك مه‌ساج.

به‌كارهێنانی زه‌یتی زه‌یتون ده‌بێته‌ هۆی پاراستنی پێست له‌ چرچی و په‌ڵه‌ و كرانه‌وه‌ی ره‌نگه‌كه‌ی، ره‌نگی پێست یه‌كده‌خاته‌وه‌ و ئه‌و شوێنه‌وارانه‌ی له‌ ئه‌نجامی زیپكه‌ و برینه‌وه‌ به‌جێماون لایان ده‌بات.

به‌كارهێنانی زه‌یتی زه‌یتون شه‌وانه‌ پێست ده‌پارێزێت و ده‌یگه‌شێنێـه‌وه‌ و بریقه‌داری ده‌كات، یارمه‌تی خانه‌ مردووه‌كانی پێست ده‌دات و زیندوویان ده‌كاته‌وه‌، رێگه‌ له‌ دروستبوونی زیپكه‌ ده‌گرێت و شوێنه‌واره‌كانی ده‌شارێته‌وه‌.

زه‌یتی زه‌یتون برێكی زۆر پێكهاته‌ی به‌سودی تێدایه‌، وه‌ك ڤیتامین ئه‌ی و كه‌ی و ئێچ هه‌ر بۆیه‌ باشترین مادده‌ی خۆراكی ده‌دات به‌ پێست.
زه‌یتی زه‌یتون پێست له‌ تیشكی خۆر ده‌پارێزێت، جگه‌ له‌وه‌ی كاتێك به‌و زه‌یته‌ مه‌ساج ده‌كه‌یت ماسوله‌كه‌كانی پێستی  روخسار ده‌جولێت  و سوری خوێن چالاك ده‌بێت، ئه‌مه‌ش یارمه‌تی زوو خه‌وتن ده‌دات.

ده‌كرێت زه‌یتی زه‌یتون به‌كاربهێنیت بۆ ژێر چاوه‌كانت، چونكه‌ رزگار ده‌كات له‌ چرچی و هه‌ڵئاوسان و ره‌شیه‌كان.

PM:08:01:13/10/2017

ئه‌م بابه‌ته 38834 جار خوێنراوه‌ته‌وه‌‌