سوودەكانی وەرزش بۆ تەندروستی مرۆڤ
وێستگە ستایل-
وەرزش و راهێنانەوە وەرزشیەكان سوودێكی ئەفسووناویان لەسەر جەستە و مێشك هەیە و سوودێكی زۆر بە مرۆڤ دەگەیەنن ، چونكە لەكاتی وەرزشكردن مرۆڤ باشتر بیردەكاتەوە و هەستێكی جوان و باشتری لادروست دەبێت و كاریگەرییەكانی بەساڵاچوون درەنگتر دەردەكەوێت.
بەپێی توێژینەوە نوێیەكان دەركەوتووە كاتێك مرۆڤ پابەند دەبێت بە وەرزشكردن و راهێنان بەشێوەیەكی رێكخراو ئەوا لێدانی دڵ و ئارەقكردنەوە زیاد دەكات بۆماوەیەكی درێژ و ئەوەش كاریگەری ئەفسووناوی لەسەر جەستە و مێشك هەیە پێكەوە.
بەپێی زانیارییەكانی كۆلیژی پزیشكی هارڤاردی بەریتانی وەرزشكردن دەبێتە هۆی هەستكردن بە خۆشی و ئاسوودەیی و رەواندنەوەی ماندوویەتی و هەروەها هاندەرە بۆ دابینكردنی ئارامی و بەرەنگاربوونەوەی خەمۆكی ، بەپێی راوبۆچوونی پسپۆڕان وەرزشكردن لەنێوان 30 بۆ 45 خولەك رۆژانە سوودێكی زۆری بۆ مرۆڤ دەبێت.
سوودەكانی وەزرش و راهێنانەكان:
* كاریگەری هەیە بۆ كەمكردنەوەی لەدەستدانی بیرەوەریی و بیركەوتنەوە.
* پتەوبوونی توانای پەیوەندی لەناوچەی لێپرسراو لەبیرەوەریی لەمێشك.
* كەمبوونەوەی خەمۆكی و چالاكبوونی دڵ.
* زیادبوونی هاتوچۆی سووڕی خوێن و پێدانی ووزە و ئۆكسجینی زیاتر بە مێشك.
ئا / ڕاگەیاندنی تەندروستی سلێمانی
سەرچاوە: " العربیە "
AM:10:38:15/08/2017
ئهم بابهته 24752
جار خوێنراوهتهوه