له‌ یارییه‌كانی‌ هه‌فته‌ی‌ 22ی‌ خولی‌ ئیسپانی‌ ڕیاڵ مه‌درید میوانداری‌ ئێڵچی‌ كرد ، له‌ خوله‌كی‌ 33 بنزیمه‌ لێدانێكی‌ سزای‌ بۆ ڕیاڵ مه‌درید له‌ ده‌ستدا و  له‌خوله‌كی‌ 42 لۆكاس بۆبی‌ گۆڵی‌ یه‌كه‌می‌ بۆ ئێڵچی‌ تۆماركرد و تایمی‌ یه‌كه‌م به‌و ئه‌نجامه‌ كۆتایهات. له‌ تایمی‌ دووه‌مداو له‌خوله‌كی‌ 76 میلا گۆڵی‌ دووه‌می‌ بۆ ئێڵچی‌ زیاد كرد ، له‌ خوله‌كه‌كانی‌ 82 و 90 مۆدریج و میلیتاو دوو گۆڵیان بۆ ڕیاڵ مه‌درید تۆماركرد و یارییه‌كه‌ به‌ یه‌كسانی‌ كۆتاییهات.

به‌و ئه‌نجامه‌ خاڵه‌كانی‌ ڕیاڵ مه‌درید بووه‌ 50 خاڵ و له‌ پێشه‌نگی‌ ڕیزبه‌ندی‌ دایه‌ .