‌كاردانه‌وه‌ى كومان پاش له‌ ده‌ستدانى جامى سوپه‌رى ئیسپانیا

وێستگە سپۆرت-

ڕۆناڵد كومانى هۆڵندى وڕاهێنه‌رى یانه‌ى به‌رشه‌لۆنه‌ دڵه‌تنگى خۆى به‌ له‌ده‌ستدانى جامى سوپه‌رى ئیسپانیا نیشان ده‌دات و ده‌ڵێت هه‌موو شتێكمان كرد له‌ پێناو بردنه‌وه‌ و به ‌ده‌ستهێنانى جامه‌كه‌ .

له‌ پاش یارییه‌كه‌ و له‌ لێدوانێكیدا كومان وتى : له‌ یارییه‌كه‌دا دوو گۆڵمان تۆماركرد ، به‌ڵام گۆڵى دووه‌مى بیلباو له‌وكاته‌دا هه‌مو شتێكى تێكدا .
كومان ده‌شڵێت: بێگومان زۆر نیگه‌رانیبن و بێ هیواین ، چونكه‌ نزیك بوین له‌سه‌ركه‌وتن و هه‌موو هه‌وڵێكماندا و له‌سه‌ر ڕێگه‌یه‌كى ڕاست هه‌نگاومان ده‌نا، بێگومان یارییه‌كى قورس بوو ، له‌ ده‌ستدانى ئه‌م جامه‌ش هه‌نگاوێك نییه‌ به‌ره‌و دواوه‌ .

كومان دان به‌وه‌شدا ده‌نێت كه‌ تیپه‌كه‌یان پێویستى به‌ چاكسازییه‌ له‌ هێڵى دواوه‌دا .

له‌سه‌ر كارته‌ سوره‌كه‌ى مێسیش كومان وتى: من تێده‌گه‌م له‌ ڕووداوه‌كه‌ به‌ڵام نازانم تا چه‌ند تاوانبار بوو.


AM:10:58:18/01/2021


ئه‌م بابه‌ته 1800 جار خوێنراوه‌ته‌وه‌‌