ڤیدیۆ.. ڕياڵ مه‌درید دۆڕا و ماڵئاوایی له خولی یانه پاڵه‌وانه‌كانی ئه‌وروپا كرد
.jpg)
وێستگە سپۆرت-
یانه‌ی ڕیاڵ مه‌درید به هه‌مان ئه‌نجامی یاری چوون به یانه‌ی مانچسته‌سیتی دۆڕا و ماڵئاوایی له خولی یانه پاڵه‌وانه‌كانی ئه‌وروپا كرد .
له یاری گه‌ڕانه‌وه‌ی قۆناغی 16ی خولی یانه پاڵه‌وانه‌كانی ئه‌وروپا وله یارییه‌كی به‌هیبَزدا مانچسته‌رسیتی له یاریگای ئیتیحاد میوانداری یانه‌ی ڕیاڵ مه‌دریدی كرد .
له تایمی یه‌كه‌مدا و له‌خوله‌كی نۆ ڕه‌حیم سترلینگ به هه‌ڵه‌ی ڤاران گۆڵی یه‌كه‌می مان سیتی تۆماركرد وله‌خوله‌كی 28 بنزیمه گۆڵی به‌رامبه‌ری بۆ ڕیاڵ مه‌درید تۆماركرده‌وه‌و تایمی یه‌كه‌م به‌و ئه‌نجامه كۆتاییهات .
له تایمی دووه‌مدا وله‌خوله‌كی 68 جارێكی دیكه ڤاران هه‌ڵه‌یه‌كی تری كردووه وگابرێل خیسۆس گۆڵی دووه‌می سیتی تۆماركرد و به ئه‌نجامی هه‌ردو یاری چوون وگه‌ڕانه‌وه مانچسته‌رسیتی گه‌یشته چاره‌كی كۆتایی و ڕیاڵ مه‌دریدیش ماڵئاوایی كرد .
AM:12:32:08/08/2020
ئه‌م بابه‌ته 1352
جار خوێنراوه‌ته‌وه