‌ڤیدیۆ.. یۆڤانتۆس بردنه‌وه‌یه‌كی‌ گه‌وره‌ی‌ به‌رامبه‌ر تۆرینۆ تۆماركرد

وێستگە سپۆرت-

یانه‌ی‌ یۆڤانتۆس بردنه‌وه‌یه‌كی‌ گه‌وره‌ی‌ به‌سه‌ر یانه‌ی‌ تۆرینۆ تۆماركرد و به‌ چوار گۆڵ به‌رامبه‌ر گۆڵێك لێی برده‌وه‌ .

له‌ یارییه‌كانی‌ هه‌فته‌ی‌ 30ی‌ خولی‌ یانه‌كانی‌ ئیتاڵیا یۆڤانتۆس له‌ یاریگای‌ خۆی‌ میوانداری‌ یانه‌ی‌ تۆرینۆی‌ كرد .

له‌گه‌ڵ ده‌سپێكی‌ یارییه‌كه‌ و له‌خوله‌كی‌ سێ دیبالا گۆڵی‌ یه‌كه‌می‌ تۆماركرد، له‌خوله‌كی‌ 29  كوادرادۆ گۆڵی‌ دووه‌می‌ تۆماركرد و تایمی‌ یه‌كه‌م به‌و ئه‌نجامه‌ كۆتاییهات .

له‌ تایمی‌ دووه‌مدا وله‌خوله‌كی‌ 51 ئندریا بیلۆتی‌ به‌ لێدانی‌ سزا تاكه‌ گۆڵی‌ تۆرینۆی‌ تۆماركرد،  دوای‌ ده‌ خوله‌ك له‌م گۆڵه‌ كریستیانۆڕۆناڵدۆ گۆڵی‌ سێیه‌می‌ بۆ یۆڤی‌ تۆماركرد و له‌خوله‌كی‌ 87 یشدا جیجی به‌ هه‌ڵه‌ له‌سه‌رخۆیان گۆڵی‌ چواره‌می‌ بۆ یۆڤانتۆس تۆماركرد و یارییه‌كه‌ش هه‌ر به‌و ئه‌نجامه‌ كۆتاییهات .

به‌و بردنه‌وه‌یه‌ خاڵه‌كانی‌ یۆڤانتۆس بووه‌ 75 خاڵ وله‌ پله‌ی‌ یه‌كه‌می‌ ڕیزبه‌ندی‌ دایه‌ .


PM:11:20:04/07/2020


ئه‌م بابه‌ته 1240 جار خوێنراوه‌ته‌وه‌‌