زیدان باسی كیكی سیتین و مباپێ دەكات
وێستگە سپۆرت-
زەینەدین زیدانی فەڕەنسی وراهێنەری یانەی ریاڵ مەدرید جەختدەكاتەوە كە كیكی سیتینیش وەكو هەر راهێنەرێكی تر شێوازی خۆی هەیە و وەڵامی مباپێش دەداتەوە .
لە كۆنگرەیەكی رۆژنامەوانیدا پێش یاری یانەكەی بەرامبەر یانەی سالامانكا لە جامی شای ئیسپانیا سەرەتا زیدان وتی: لای ئێمە جامی شایی ئیسپانیا گرنگی زۆری هەیە و وەكو هەموو یارییەكانی تریش بە گرنگی لەم یارییە دەڕوانین و ئێمە ئامادەین بۆ ئەم یارییە .
لە سەر كیكی سیتینی راهێنەری نوێی بەرشەلۆنە زیدان وتی: هەموو تیپەكان ئارەزووی بردنەوە دەكەن و هەموو راهێنەرێكیش رێگەیەكی جیاوازی هەیە بۆ بردنەوە ، ئێمە شێوازی خۆمان هەیە بەهەمان شێوە سیتین شێوازی خۆی هەیە .
دواتر لەسەر ئەو لێدوانەی مباپێ كە پێشتر وتبووی زیدان پێشەنگمە ئەو راهێنەرە فەڕەنسیی وتی: بێگومان ئێمە پێشەنگ بوین بۆ ئەوانەی كە ئێستا تۆپی پێ ئەكەن . لە ئێستاشدا ئەو دەبێتە نمونە و پێشەنگ بۆ ئەوانی تر كە دوای ئەم دێن .
PM:08:05:21/01/2020
ئهم بابهته 7300
جار خوێنراوهتهوه