‌ڤیدیۆ.. بایرن میونخ بە ئەنجامێكی شۆك دۆڕا ودۆرتمۆندیش بردیەوە

وێستگە سپۆرت-

یانەی بایرن میونخ دووچاری شكستێكی گەورە هات و بە پێنج گۆڵ بەرامبەر گۆڵێك بە یانەی ئینتراخت فرانكفۆرت دۆڕا . 

لە یارییەكانی هەفتەی 10 خولی بۆندزلیگای ئەڵمانیا یانەی  ئینتراخت فرانكفۆرت لە یاریگای خۆی میوانداری یانەی بایرن میونخی كرد .

سەرەتا ولەخولەكی 25 كۆستیچ گۆڵی یەكەمی بۆ خاوەن یاریگا تۆماركرد و  لەخولەكی 33 شدا جبرێڵ سو گۆڵی  دووەمی بۆ فرانكفۆرت زیادكرد ، دواتر ولەخولەكی 37 لیڤاندۆڤسكی تاكە گۆڵی بایرن میونخی تۆماركرد و  تایمی یەكەم بەو ئەنجامە كۆتایهات ، لە دەسپێكی تایمی دووەمداو لەخولەكی 49 دایڤید ئەبراهام گۆڵی  سێیەمی بۆ خاوەن یاریگا تۆماركرد و لەخولەكەكانی 61 و85یشدا  هینتیرگێر وباسینسیا دوو گۆڵی تریان بۆ فرانكفۆرت تۆماركرد و شكستێكی گەورەیان دووچاری بایرن میونخ كرد .

 بەو بردنەوەیە خاڵەكانی ئینتراخت فرانكفۆرت بووە 17 خاڵ و بەكاتی لە پلەی شەشەمدایە ویانەی بایرن میونخیش لە پلەی چوارەمدایە بە 18 خاڵ .

لە لایەكی ترەوە یانەی بروسیادۆرتمۆد بردنەوەیەكی گەورەی تۆماركرد و بە سێ گۆڵی بێ وەڵام لە یانەی فۆڵفسبۆرگی بردەوە . 

تایمی یەكەمی یارییەكە بێ گۆڵ كۆتاییهات .  لە تایمی دووەمداو لەخولەكی 52 تۆرگان هازارد گۆڵی یەكەمی بۆ دۆرتمۆند تۆماركرد و دوای شەش خولەك رافائیل گریرۆ گۆڵی دووەمی بۆ دۆرتمۆند تۆماركرد ،  لەخولەكی 88 ماریۆ گۆتزە  بە لێدانی سزا گۆڵی سێیەم و كۆتایی بۆ دۆرتمۆند تۆماركرد و یارییەكەش بە سێ گۆڵی بێ وەڵام لە بەرژەوەندی یانە زەردپۆشەكە كۆتاییهات . 

بەو بردنەوەیە خاڵەكانی دۆرتمۆند بووە 19 خاڵ و لە پلەی دووەمدایە .



PM:08:28:02/11/2019


ئه‌م بابه‌ته 940 جار خوێنراوه‌ته‌وه‌‌

گەلەری