‌دی‌ لێخت : به‌م هۆكاره‌ په‌یوه‌ندیم به‌ یۆڤانتۆسه‌وه‌ كرد

وێستگە سپۆرت-

ماتیاس دی‌ لێختی‌ هۆڵندی‌ به‌رگریكاری‌ نوێی یانه‌ی‌ یۆڤانتۆس هۆكاری‌ په‌یوه‌ندیكردنی‌ به‌ خانمه‌ پیره‌كه‌وه‌ ئاشكرا ده‌كات .

ئه‌مڕۆ به‌ شێوه‌یه‌كی‌ فه‌رمی‌ یانه‌ی‌ یۆڤانتۆس گرێبه‌ستی‌ له‌گه‌ڵ ماتیاس دی ێخت واژووكرد . 

له‌میانه‌ی‌ لێدوانێكیدا بۆ كه‌ناڵی‌ ئه‌جاكس تی‌ ڤی دی‌ لێخت وتی‌: 10 ساڵ یاریم كرد له‌ ئه‌كادیمیای‌ ئه‌یاكس وسێ ساڵیش له‌ تیمی‌ یه‌كه‌م ، بۆیه‌ به‌ داخم ئه‌گه‌ر هه‌رهه‌ڵه‌یه‌ك بكه‌م.

له‌ وڵامی‌ ئه‌و پرسیاره‌ی‌ كه‌ ئایا بۆ یۆڤانتۆست هه‌ڵبژارد دی‌ لێخت وتی‌: كاتێك منداڵ بووم زۆر سه‌رسام و هۆگر بووم به‌و شێوازه‌ی‌ كه‌ به‌رگریكاره‌ ئیتاڵییه‌كان یاریان پێ ئه‌كرد له‌نمونه‌ی‌  ماڵدینی‌ ونێستا و كاناڤارۆ وبارێزی‌ وشیریا ، ئه‌مه‌ هۆكار بوو تا ئه‌وه‌ی‌ ڕووبكه‌مه‌ خولی‌ ئیتاڵی‌ .

دی‌ لێخت ده‌ڵێت: به‌ گشتی‌ زۆر هۆگری‌ شێوازی‌ به‌رگریكردنی‌ به‌رگریكاره‌ ئیتاڵییه‌كان بووم بۆیه‌ په‌یوه‌ندیمكرد به‌ یۆڤانتۆسه‌وه‌ تا ئه‌وه‌ی‌ له‌سه‌ر هه‌مان شێواز به‌رگری‌ بكه‌م . 


PM:01:46:18/07/2019


ئه‌م بابه‌ته 2900 جار خوێنراوه‌ته‌وه‌‌