‌گورزێكی‌ كوشنده‌ به‌ر مێسی‌ ده‌كه‌وێت

وێستگە سپۆرت-

یه‌كێتی‌ تۆپی‌ پێی ئه‌مریكای‌ باشور ده‌یه‌وێت سكاڵایه‌كی‌ یاسایی له‌سه‌ر مێسی‌ ئه‌رجه‌نتینی‌ ئه‌ستێره‌ی‌ یانه‌ی‌ به‌رشه‌لۆنه‌ تۆمار ده‌كات .

مێسی‌ له‌ پاڵه‌وانێتی‌ كوپا ئه‌مریكا چه‌ند لێدوانێكی‌ دژی‌ داوه‌ره‌كانی‌ ئه‌و پاڵه‌وانێتییه‌ دا ووتی‌ پێویسته‌ زیاتر به‌خۆیاندا بچنه‌وه‌و جامه‌كه‌ هه‌ر له‌سه‌ره‌تاوه‌ بۆ به‌ڕازیل دانرابوو . 

یه‌كێتی‌ تۆپی‌ پێی ئه‌مریكای‌ باشور (كۆنیمبۆڵ) سكاڵایه‌كی‌ یاسایی له‌سه‌ر مێسی‌ تۆمار ده‌كات  وجه‌ختده‌كاته‌وه‌ كه‌ ده‌بێت ئه‌و ئه‌ستێره‌ ئه‌رجه‌نتینییه‌ داوای‌ لێبوردن بكات . 

لای‌ خۆشیبیه‌وه‌ رۆژنامه‌ی‌ مۆندۆ دیپۆرتیڤۆ ئاشكرای‌ كردووه‌ كه‌ پارێزه‌ره‌كه‌ی‌ مێسی‌ داوای‌ له‌و یاریزانه‌ كردووه‌ كه‌ داوای‌ لێبوردن بكات ، ئه‌گه‌ر نا ره‌نگه‌ رووبه‌رووی‌ سزایه‌كی‌ قورس ببێته‌وه‌ .

تاكو ئێستا یه‌كێتییه‌كه‌ هیچ جۆره‌ سزایه‌كی‌ به‌سه‌ر ئه‌و یاریزانه‌دا نه‌سه‌پاندووه‌ . 


PM:12:34:17/07/2019


ئه‌م بابه‌ته 6144 جار خوێنراوه‌ته‌وه‌‌