‌لێدوانێكی‌ سه‌یری‌ چاڤی‌ له‌سه‌ر مێسی‌ هه‌را ده‌نێته‌وه‌

وێستگە سپۆرت-

چاڤی‌ هێرناندزی‌ ئیسپانی‌ وكاپتن و ئه‌ستێره‌ی‌ پێشووی‌ یانه‌ی‌ به‌رشه‌لۆنه‌ لێدوانێكی‌ سه‌یر له‌سه‌ر مێسی‌ ده‌دات و بابه‌تێك له‌ سه‌ر ئه‌و ئه‌ستێره‌ی‌ ئه‌رجه‌نتینه‌ ره‌تده‌كاته‌وه‌ .

له‌ كۆنگره‌یه‌كدا پرسیاری‌ ئه‌وه‌ له‌چ چاڤی‌ كرا كه‌ ئایا راسته‌ مێسی‌ له‌ هه‌ر یانه‌یه‌ك بێت ده‌بێت هه‌موو شته‌كان به‌ده‌ستی‌ خۆی‌ بێت وكۆنتڕۆڵی‌ هه‌موو شتێك ده‌كات . 

له‌ وه‌ڵامدا چاڤی‌ ته‌واوی‌ ئه‌م قسانه‌ی‌ ره‌تكرده‌وه‌و ئاماژه‌ی‌ به‌وه‌كرد : ئه‌گه‌ر ئه‌م قسه‌یه‌ راست بێت و مێسی‌ ده‌ستی‌ به‌سه‌ر هه‌موو شتێكدا گرتبێت ده‌بوو ئه‌گوێرۆ له‌ جێگه‌ی‌ سوارێز هێرشبه‌ری‌ به‌رشه‌لۆنه‌ بوایه‌ ، دیماریا له‌ جێگه‌ی‌ كۆتینهۆ بوایه‌ .

مه‌به‌ستی‌ چاڤی‌ له‌م قسانه‌ی‌ ئه‌وه‌یه‌ كه‌ ئه‌گه‌ر مێسی‌ هه‌موو شتێكی‌ به‌ده‌ست بوایه‌ هاوڕێ نزیكه‌كانی‌ ده‌هێنایه‌ به‌رشه‌لۆنه‌ .


AM:11:10:24/06/2019


ئه‌م بابه‌ته 5240 جار خوێنراوه‌ته‌وه‌‌