مانچستەریونایتد بڵاوی کردۆتەوە،سوپاسی ئەو راهێنەرە دەکەین کە لە ماوەی رابردوو یانەکەی بەڕێوە بردووەو هیوای سەرکەوتنی لە داهاتوودا بۆ دەخوازین.

راهێنەرە پۆرتوگاڵییەکە لەم وەرزە بە کۆمەڵێک گرفتدا تێپەڕی، لە دەستپێکی وەرز بەهۆی دابین نەکردنی یاریزانی نوێ بە تووندی رەخنەی لە بەرپرسانی یانەکەی گرت و گلەیی لە یانەکەی کرد لە بازاڕی گواستنەوەی هاوینە، دواتر مۆۆ لەگەڵ پۆل پۆگبا پەیوەندیی تێکچوو، ئەو ناوەڕاستکارە فڕەنسییەیە کردە یەدەگ و چەند جارێکیش لە پرێس کۆنفرانسەکان رەخنەی لە ئاستی زۆربەی یاریزانەکانی گرت.

مۆرینهۆ لەگەڵ مان یونایتد 144 یاریی ئەنجام دا، 84 بردنەوە و 31 بەرامبەربونوی بەدەستهێنا و 29 یاریی دۆڕاند، لە ماوەی سێ ساڵدا خۆزێ سێ نازناوی لەگەڵ رێد دێڤڵز بەدەستهێنا، ساڵی رابردوو بوونە پاڵەوانی یۆرۆپالیگ و جامی خولی ئینگلیزی و دوو ساڵ لەمەوبەریش قەڵخانی خێرخوازیی ئینگڵاندی بەدەستهێنا.

مانچێستەر یونایتد رایگەیاندووە، راهێنەرێکی نوێ دەستنیشان دەکەن بۆ ئەوەی تا کۆتایی ئەم وەرزە ئەرکی راهێنەرایەتی یانەکەیان بگرێتە ئەستۆ، بەڵام تاکو ئێستا هیچ راهێنەرێک بەربژێر نەکراوە بۆ ئەوەی شوێنی جۆزێ بگرێتەوە.

PM:01:38:18/12/2018

ئه‌م بابه‌ته 1904 جار خوێنراوه‌ته‌وه‌‌