عەبدلخالق مەسعود، سەرۆکی یەکێتی تۆپی پێی عیراق، هەڕەشەی دەستلەکارکێشانەوە لە پۆستی جێگری یەکێتی عەرەب دەکات، ئەگەر بێت و بڕیارێکی گونجاو نەدرێت بۆ ڕێزگرتن لە تۆپی پێی عێراق.

بەهۆی ئەو رووداوانەی لە پاڵەوانێتی یانەکانی عەرەب لە یاریی نێوان قوە جەوییە و ئیتیحادی جەزائیری روویاندا ، کاتێک هاندەران بە دروشمی جۆراوجۆر ناوی سەددام حوسێنی سەرۆکی پێشووی عێراقیان دەگوتەوە و ئەمەش بووە هۆی تووڕەبوونی یاریزانانی یانە عێراقییەکە و ناوهێنانی ئەو دیکتاتۆرەیان بە بێ رێزیکردن بەوان وەسفکرد کە زۆربەی یاریزانەکان شیعەن و بڕیاریان دا لە خولەکی 67 یارییەکە تەواو نەکەن و یاریگەیان بەجێهێشت.

عەبدولخاڵق مەسعوود، سەرۆکی یەکێتی تۆپی پێی عێراق راگەیاند، ئەوان داوایان لە یانەی قوە جەوییە کردووە بگەڕێتەوە عێراق لە هەمان کاتدا چاوەڕێی هەڵوێستی یەکێتی تۆپی پێی جەزائیر و عەرەب دەکەن، ئەگەر هەڵوێستیان نەبێت ئەوا هەڕەشەی دەستلەکارکێشانەوەی لە پۆستی جێگری سەرۆکی یەکێتی تۆپی پێی عەرەب دەکات.

PM:05:24:10/09/2018

ئه‌م بابه‌ته 2319 جار خوێنراوه‌ته‌وه‌‌