كریستیانۆ رۆناڵدۆ، ئه‌ستێره‌ی یانه‌ی یۆڤانتۆس، له‌یه‌كه‌م یاری خۆیدا له‌گه‌ڵ ئه‌وه‌ی كه‌ گۆڵی بۆ نه‌كرا، گۆڵپارێزی یانه‌ی به‌رامبه‌ری ڕه‌وانه‌ی نه‌خۆشخانه‌ كرد.

ستیفانۆ سۆرێنتینۆی گۆڵپارێزی ته‌مه‌ن 39 ساڵه‌ی یانه‌ی كیڤۆ ڤیرۆنا له‌ خوله‌كی 90ـی كۆتاییه‌كانی یارییه‌كه‌یان به‌رامبه‌ر یوڤێتنۆس زۆر به‌توندی له‌گه‌ڵ كریستیانۆ به‌ریه‌ككه‌وت و هه‌ر ئه‌وكات گۆڵپارێزه‌كه‌ی كیڤۆ به‌هۆی ئازاری سه‌ر و ملی خۆی رانه‌گرت و یاریگا‌ی جێهێشت.

ئەو گۆڵپارێزە لە تویتەری خۆی نوسیویەتی، لەلایەن ڕۆناڵدۆوە نامەیەکی بۆ هاتووە کە هیوای زوو چاکبوونەوەی بۆ دەخوازێت و پێی وتووە" سوپاس ئەفسانە".

یانه‌ی یۆڤانتۆس له‌و یارییه‌دا به‌ ٣ گۆڵ به‌رامبه‌ر به‌ دوو گۆڵ له‌ یانه‌ی كیڤۆ ڤیرۆنای برده‌وه‌.

PM:03:47:20/08/2018

ئه‌م بابه‌ته 2884 جار خوێنراوه‌ته‌وه‌‌