زۆرینەی هاندەرانی یانەی ڕیاڵ مەدرید، چاوەڕوانی ئەوە لە یانەکەیان دەکەن کە گرێبەستی گەورە ئەنجامبدات، بە تایبەت دوای ئەوەی کە کریستیانۆ ڕۆناڵدۆیان لێ رۆیشتووە.

بەشێک لە ڕۆژنامەکانی ئیسپانیا ئاشکرایانکردووە، یانەی ریاڵ مەدرید جارێ پلانی ئەوەی نیە کە لە چەند گواستنەوەیەکدا یاریزانی گران بکڕێت، هەرچەندە جامی سوپەری ئەوروپای بەم دوایە بۆ ئەتلەتیکۆ مەدرید لەدەستدا.

ڕۆژنامەی مارکای ئیسپانیا بڵاویکردەوە، هۆکاری ئەوەی کە ریاڵ مەدرید گرێبەستی گەورە ئەنجام نادات بۆ ئەوە دەگەڕێتەوە، کە دەیانەوێت بودجەیەک تەرخان بکەن و پێشکەشی یاریزانێکی نوێی بکەن، کە ئاماژەکان بۆ نەیمار دەچن، ئێستاش پارەکە ئامادەیە کە ٣٠٠ ملیۆن یۆرۆیە.

هۆکاری ئەوەی کە ڕیاڵ مەدرید یاریزان ناکڕێت بۆ ئەوە دەگەڕێتەوە، کە لە یاسای یاری خاوێن دەترسن، چونکە پلانیان بۆ هێنانی نەیمار داناوە.

هەرچەندە ڕیاڵ مەدرید ڕایگەیاند کە لە گواستنەوەی هاوینەی ئێستادا یاریزانی گران ناکڕن، بەڵام پێرێزی سەرۆکی یانەکە خەونەکەی هەمیشە زیندووە بۆ کڕینی نەیمار.

وەکوو لە هەواڵەکەدا هاتووە، ڕیاڵ مەدرید پلانی داناوە کە لە گواستنەوەی داهاتوودا، هەموو کارێک دەکەن بۆ ئەوەی نەیمار بکڕن و خۆشیان لە یاسای یاری خاوێن بپارێزن.

PM:02:01:17/08/2018

ئه‌م بابه‌ته 6654 جار خوێنراوه‌ته‌وه‌‌