كچه پێشمه‌رگه‌كان گه‌یشتنه چوار گۆشه‌ی زێڕینی خولی باله‌ی كچانی شاری سلێمانی و ده‌وروبه‌ری
وێستگە سپۆرت-
به ئه‌نجامدانی دوو یاری كۆتایی هات به قۆناغی یه‌كه‌می خولی باله‌ی كچانی یانه‌كانی شاری سلێمانی و ده‌وروبه‌ری .
له نێو هۆڵی داخراوی یانه‌ی پێشمه‌رگه و به یاری نێوان تیپی باله‌ی كچانی یانه‌كانی پێشمه‌رگه و ئافرۆده‌یت ب و ئافرۆده‌یت ا و ده‌ربه‌ندیخان ، كۆتایی هات به یاریه‌كانی قۆناغی یه‌كه‌می خولی باله‌ی كچانی یانه‌كانی شاری سلێمانی و ده‌وروبه‌ری .
له یه‌كه‌م یاریدا كچه پێشمه‌رگه‌كانی سلێمانی میوانداریان له كچانی باله‌ی یانه‌ی ئافرۆده‌یت ب كردوو تێیداو دوایی یاریه‌كی یه‌كلایه‌نه كچه پێشمه‌رگه‌كانی سلێمانی توانیان به ئه‌نجامی سێ گێمی بێ وه‌لاَم بردنه‌وه به‌ده‌ست بهێنن و به‌و ئه‌نجامه‌شیان به پله‌ی یه‌كه‌می كۆمه‌ڵه‌ی یه‌كه‌م گه‌یشتنه قۆناغی چوار گۆشه‌ی زێڕینی خوله‌كه .
ئه‌مه‌و له دووه‌م یاریدا كچانی باله‌ی یانه‌ی ئافرۆده‌یت ا ڕوبه‌ڕوی كچانی ده‌ربه‌ندیخان بونه‌وه و ئه‌و یاریه‌ش به یاریه‌كی به‌هێز تێپه‌ڕی و به ئه‌نجامی 3-1 گێم كچانی ئافرۆده‌یت بردنه‌وه‌یان به‌ده‌ست هێنا .
به ئه‌نجامدانی ئه‌و یاریانه چوار یانه‌ی گه‌یشتوو به قۆناغی چوار گۆشه‌ی زێڕینی خوله‌كه ده‌ركه‌وتن به‌م شێوه‌یه .
یه‌كه‌می كۆمه‌ڵه‌ی یه‌كه‌م - كچانی پێشمه‌رگه
دووه‌می كۆمه‌ڵه‌ی یه‌كه‌م - كچانی ته‌ق ته‌ق
یه‌كه‌می كۆمه‌ڵه‌ی دووه‌م - كچانی باله‌ی ئافرۆده‌یت ا
دووه‌می كۆمه‌ڵه‌ی دووه‌م - كچانی باله‌ی ده‌ربه‌ندیخان
خولی باله‌ی كچانی یانه‌كانی شاری سلێمانی و ده‌وروبه‌ری به‌سه‌رپه‌رشتی یه‌كێتی باله‌ی سلێمانی و به سپۆنسه‌ری كۆمپانیایی تیشك نێت یاریه‌كانی ئه‌نجام ده‌درێن .
PM:09:50:14/10/2017
ئه‌م بابه‌ته 540
جار خوێنراوه‌ته‌وه