أ‌. سزاده‌درێت هه‌ر كه‌سێك سه‌رپێچی‌ ئه‌و خێراییه‌ بكات كه‌بۆی‌ داندراوه‌به‌م شێوه‌یه‌:
له‌بڕی‌ 60هه‌زار دیناره‌وه‌ ده‌ست پێده‌كات بۆهه‌ر 15كیلۆمه‌تر له‌ سه‌عاتێكدا و ئه‌گه‌ر خێراییه‌كه‌ی‌ زیاتر بكات سزاكه‌ی‌ زیاترده‌بێت تاكو بڕی‌ 200 هه‌زار دینار، ئه‌مه‌ش پله‌به‌پله‌ ده‌بێت به‌گوێره‌ی‌ ئه‌م خشته‌یه‌ی خواره‌وه‌:

خێرایی 60 كم
خێرایی تا	خێرایی له‌	بڕى
75	61	60000
90	76	80000
105	91	100000
120	106	150000
135	121	175000
فمافوق	136	200000
خێرایی 80 كم
خێرایی تا	خێرایی له‌	بڕى
95	81	60000
110	96	80000
125	111	100000
140	126	150000
155	141	175000
فمافوق	156	200000
خێرایی 100 كم
خێرایی تا	خێرایی له‌	بڕى
115	101	60000
130	116	80000
145	131	100000
160	146	150000
175	161	175000
فمافوق	176	200000

ب هه‌ركه‌سێك یه‌كێك له‌م سه‌رپێچیانه‌ی‌ خواره‌وه‌ ئه‌نجام بدات سزا ده‌درێت به‌بری‌ ( 30000) سی‌ هه‌زار دینار:
1. گوێ نه‌دان به‌نیشانه‌كانی‌ هاتووچۆی‌ روناكی‌ (ترافیك لایت) یان ئاماژه‌كانی‌ كارماندانی‌ هاتووچۆ.
2. رۆیشتن به‌پێچه‌وانه‌ی‌ ئاراسته‌ی‌ دیاریكراو.
3. لێخورینی‌ ئۆتۆمبێل به‌بێ گلۆپه‌كانی‌ پێشه‌وه‌ ودواوه‌ له‌ شه‌ودا.
4. لێخورینی‌ ئۆتۆمبێل به‌بێ ژماره‌ (تابلۆ).
5. لێخورینی‌ ئۆتۆمبێل به‌كه‌مته‌رخه‌می‌ و پێچاوپێچ.
6. رۆیشتن به‌خێراییه‌ك زیاتر له‌وه‌ی‌ به‌پێی‌ یاسا دیاریكراوه‌.
7. دوای‌ ماوه‌ی‌ (30) سی‌ رۆژ به‌سه‌ر نوسراوی‌ كرینی‌ ئۆتۆمبێل ئه‌گه‌ر سه‌ردانی‌ به‌رێوه‌به‌رایه‌تی‌ تۆماركردنی‌ تایبه‌تمه‌ندی‌ نه‌كرد به‌مه‌به‌ستی‌ تۆماركردن و چه‌سپاندنی‌.
8. سه‌رپێچیكردنی‌ ئه‌و رێنمایی‌ و به‌یاننامه‌كانی‌ له‌ به‌ڕێوه‌به‌رایه‌تی‌ گشتی‌ هاتووچۆ ده‌رده‌چێت.

ج‌. هه‌ركه‌سێك یه‌كێك له‌م سه‌رپێچیانه‌ی‌ خواره‌وه‌ ئه‌نجام بدات سزاده‌درێت به‌بری‌ (20000) بیست هه‌زار دینار
1. دانه‌پۆشینی‌ باری‌ ئۆتۆمبێله‌ بارهه‌ڵگره‌كان به‌شێوه‌یه‌كی‌ باش كه‌ڕێگر بێت له‌ كه‌وتنه‌ خواره‌وه‌و په‌رش و بڵاوی‌ .
2. وه‌ستانی‌ ئۆتۆمبێل له‌شوێنی‌ قه‌ده‌غه‌كراو.
3. جام تاریككردن و به‌كارهێنانی‌ په‌رده‌ كه‌ ریگه‌ له‌بینین بگرێت له‌جامه‌كانی‌ دواوه‌ و ته‌نیشت .
4. سورانه‌وه‌ له‌شوێنی‌ قه‌ده‌غه‌كراو.
5. نه‌وه‌ستان له‌كاتی‌ چوونه‌ شه‌قامی‌ سه‌ره‌كی‌ له‌شه‌قامی‌ لاوه‌كییه‌وه‌.
6. رێگه‌نه‌دان به‌په‌ڕینه‌وه‌ی‌ پیاده‌ كاتێك كه‌چۆته‌ سه‌ر هێڵی‌ پیاده‌.

د. هه‌ركه‌سێك یه‌كێك له‌م سه‌رپێچیانه‌ی‌ خواره‌وه‌ ئه‌نجام بدات سزا ده‌درێت به‌بری‌(15000) پازده‌ هه‌زار دینار
1. جێهێشتنی‌ ئۆتۆمبێلی‌ گه‌وره‌و كشتو كاڵی‌ و بیناسازی‌ له‌شوێنه‌ ته‌نگه‌ به‌ره‌كان و شه‌قامه‌كانی‌ ناوخۆ و ناوچه‌ نیشته‌جێكان جگه‌ له‌كاتی‌ بارداگرتن وباركردن.
2. بارێك به‌رزتر بێت له‌ئاستی‌ دیاریكراو.
3. لێخورینی‌ ئۆتۆمبێل كه‌تابلۆكه‌ی‌ (ژماره‌كه‌ی‌ ) باش دیار نه‌بێت یان خراپ بوبێت.
4. به‌كارنه‌هێنانی‌ پشتێنه‌ی‌ دڵنیایی‌ له‌و ئۆتۆمبێلانه‌ی‌ كه‌ پشتێنه‌ی‌ تێدایه‌ له‌كاتی‌ رۆیشتن له‌رێگا گشتییه‌كاندا .
5. به‌كارهێنانی‌ ئامێری‌ (هۆرن) ی‌ هه‌وایی‌ یان جۆراوجۆركردنی‌ ده‌نگه‌كان یان دانانی‌ ده‌نگی‌ ئاژه‌ڵ جگه‌ له‌و ده‌نگانه‌ی‌ كه‌ له‌بنه‌ڕه‌تدا دانراون.
6. كه ‌شوفێر تێپه‌راندن له‌لای‌ راسته‌وه‌ ئه‌نجام بدات یان هه‌ر تێپه‌راندنێكی‌ تر.

هـ‌. هه‌ركه‌سێك یه‌كێك له‌م سه‌رپێچیانه‌ی‌ خواره‌وه‌ ئه‌نجام بدات سزاده‌درێت به‌بری‌(10000) ده‌ هه‌زار دینار:
1. به‌كارهێنانی‌ رووناكی‌ (لایت)ی‌ به‌رز به‌جۆرێك كاریگه‌ری‌ له‌سه‌ر شوفێره‌كانی‌ تر هه‌بێت.
2. نه‌بوونی‌ مه‌رجه‌كانی‌ توندوتۆڵی‌ كه‌له‌به‌شی‌(مادده‌ی‌ 13)ی‌ ئه‌م یاسایه‌دائاماژه‌ی‌ پێدراوه‌.
3. دانانی‌ هه‌ر ویَنه‌ و له‌زگه‌ و نووسین و ریكلام و جوانكاریه‌ك كه‌ده‌بێته‌ هۆی‌ كه‌مكردنه‌وه‌ی‌ بینین.
4. سه‌رپێچی‌ كردنی‌ ئه‌و رێنماییانه‌ی‌ كه‌ هاتووچۆی‌ سه‌لامه‌تخوازانه‌ مسۆگه‌ر ده‌كه‌ن.
5. نوئ نه‌كردنه‌وه‌ی‌ مۆڵه‌تی‌ لیخورین و سانامه‌ی‌ ئۆتۆمبیل.
6. سه‌رپێچی‌كردنی‌ نیشانه‌و هێماكانی‌ هاتووچۆ.
7. گواستنه‌وه‌ی‌ سه‌ر نشین له‌سه‌ر لاكانی‌ ئۆتۆمبیل یان به‌شی‌ ده‌ره‌وه‌ی‌ ئۆتۆمبێل.