رێگای دروست

‌ئاریان فەرەج

دەبێ ئەو هەنگاوانەی لەسەر راستەرێ دەستمان پێكردن، بەردەوام بن و هەنگاو بە دوای هەنگاودا بەرەو كاراكردنەوەی دامەزراوەكانمان و نوێكردنەوەی شەرعیەتی حكومەتەكەمان و دەمەزەردكردنەوەی ئەدائی دام و دەزگاكانمان و پڕكردنەوەی كەم و كورتییەكانمان ببەن. بمانەوێ یان نا، ئاراستەكان هەر بەرەو ئەو راستەرێیەمان دەبەن. 

ئەوەتا سەرباری ناتەبایی و عینادی سیاسی و مەیلی ریكنەكەوتن و ئاسنەگ هێنانپێش و كارلێكدی قورس كردن، كەچی لەدەسپێكەوە هەنگاوە دروستەكان هەر وا دێن و دەچنەپێش و یەكدی تەواو دەكەن و ناگەنە بنبەست. 

هەڵبژاردنمان كرد و نەچوینەژێر باری نەكردنی، ئەنجامەكانی قبوڵكران و رەتنەكرانەوە، لە پێناو پێكەوەیی و حكومەتی سەرتاسەریی، دانوستان گەرچی بەگرێ و گۆلیش بێت دەستپێكرا و بەئەنجام گەیشت، پەرلەمان كاراكرایەوە و دەستی بەكاری خۆی كرد، یاسای سەرۆكایەتیمان هەموار كرد و دامەزراوەی سەرۆكایەتی كارا كرایەوە، سەرۆكی شایستە هەڵبژێردرا و متمانەی وەرگرت، ئەمڕۆ سوێندی یاسایی دەخوا و دەستبەكار دەكات، بەدەوری خۆی سەرۆكی نوێی ئەنجومەنی وەزیران بۆ تەشكیلدانی حكومەتی نوێ رادەسپێرێ، بێگومان ئەویش لە وادەی یاسایی خۆیدا ئەركی خۆی رادەپەڕێنێ و كابینەكەی دەباتە بەردەم متمانەی پەرلەمان. 

هەموو هەنگاو و كارەكان وەك ئەوەی پێویستە و دەبێ وابێت، بەڕێوە دەچن، دواجار ئەوەی راستە و رێگای راستە و بەرژەوەندی و خێر و ئیستقراری ئەم ووڵاتە و خەڵكەكەی تێدایە، ئەوە سەردەگرێ و دەچێتە سەر. 

فَأَمَّا الزَّبَدُ فَێذهَبُ جُفَاءً ۆأَمَّا مَا ێنفَعُ النَّاسَ فَێمْكُث فِی اڵارْض