چ جورئەتێکە؟

‌کاروان گەزنەیی

هەموو جۆرە دزی و تاڵانییەک لەم وڵاتە سەری هەڵداوە، بە ڵام قاچاخی و دزین و تاڵانی لە دەرمان و خۆراک، دەبێت هێڵی سوور بێت. ئەمانەی ئەو کارانە دەکەن زۆرینەیان بەرپرسی زۆر باڵا و بازرگانی گەورەی هاوبەش لەگەڵ هەندێک بەرپرس دەیکەن. 

بەشێک لە دەرمانەکان بە شێوەی نایاسایی دێنە هەرێمی کوردستان، لەوە کارەساتتر ئەوەیە کە وەزارەت بەفەرمی لە بازرگانە قاچاخچییەکانی دەکڕێتەوە. لە هەمووشیان هەستیارتر دەرمانە دەگمەنەکانی شێرپەنجە، و بەنجن، کە بەردەوام بەکار دەهێندرێن. 

شێوازی هەڵگرتن وگواستنەوەی ئەودەرمانانە، بۆ نمونە دەرزی بایۆلۆجی تەنها بە ڕاوەشاندنی زۆر دەرمانەکە خراپ دەبێت و سودەکەی نامێنێت، زۆری دەرمانەکان کە بە شێوازی دەرزی هەن دەبێت لە پلەی گەرمی (2-8 )ی سیلیزی هەڵبگیرێن تەنانەت لەکاتی گواستنەوەشدا دەبێت بە بەڕاد بیگوازنەوە ، بێگومان دەرمانی قاچاغیش نە بەبەڕاد دێت وە گواستنەوەی زۆریشیان بەڕێگای لاوەکی و ڕێگای خۆڵ دەبێت و هەندێکیان لەسەر گزۆزی ئۆتۆمۆبێل دادەندرێن، کە لەوکاتەدا ئەگەر دەرمانەکەش تەزویر نەبێت دەبێتە هۆی خراپ بوونی و دواتر نەخۆش سودی لێ نابینێت و دەبێتە هۆی بەهەدەردانی پارە وە هەروەها ژیانی نەخۆشەکەش دەکەوێتە مەترسیەوە لەبەر ئەوەی ئەگەر دەرمانەکە ئیشی نەکرد شێرپەنجەکە زیاتر تەشەنە دەسێنێت و بڵاو دەبێتەوە بۆ بەشەکانی تری لەشی نەخۆشەکە.

سەرباری دەرمانی شێرپەنجە، بەشێک لە دەرمانی بەنج و نیو بەنج بە شێوەی قاچاخ داخڵ دەکرێن و بە ماتۆڕ سکیل دەفرۆشرێن و تەنانەت وەسڵی کڕینیشیان لەگەڵ نیە و ناچنە کوالێتی کۆنتڕۆڵ، لە کاتێکدا ڕۆژانە لە زۆربەی زۆری نەخۆشخانەکانی هەرێم لە  حکومی و تایبەت بە کاردەهێندرێن. 

تێبینی: ناوی هەموو دەرزی و کۆمپانیا و وێنە و بەڵگەی بە قاچاخ داخڵکردنمان داوە بە دەستەی بەدواداچوون لە داواکاری گشتی بۆ ئەم مەلەفە هەستیارە و هەموڕێکارە پەرلەمانییەکانیشمان گرتووەتە بەر، و چاوەڕێی ئەنجامی کۆتای لیژنەی تەندروستی دەکەین!! ئیتر کاتی ئەوەی ڕای گشتی لەو مەترسییە لە ژیان و مردن ئاگادار بکەینەوە و کۆتای بە مافیا گەرێتی لە دەرمان بهێندرێت!

ناوی بەشێک لە دەرمانەکان:

Propofol ampul 

Adrenalin ampul 

Lidocaine bottl im 

Lidocaine ampul iv 

Cordaron ampul 

Ezmeron vial 

Atracrume ampul 

Heparen vial 

Marcine ampul 

Metoprolol ampul 

Anjesed ampul