‌بەمشوەیە بەغدا 950 ملیار دەنێرێت.. بۆ زانیاریت جەنابی یاساناس
PM:04:22:13/11/2020
‏‎غالب محمد عەلی

شەڕکردن بۆ مافی خەڵك خۆگیڤکردنەوە نییە، بەڵكو ئەركە، بێدەنگی لە بەرپرسانی هەرێم ترسنۆکی و بێ جورئەتییە!.

گەر پەرلەمان بۆ خۆگیڤكردنەوە بێت، كەسێك دووجار خۆی كاندید ناكات بۆ ئەو پەرلەمانە، لە كۆتایدا نەک پەرلەمان، بەڵکو بیناكەش نەبینیت، گەر پۆستی وەزیریش گرنگ نەبێت كەس سیڤی بۆ پڕناكاتەوە و داوا لە خەڵك بكات دابنرێت.

لە بری ئەوەی قسە بەو كەسانە بكەیت كە شەڕی خەڵك دەكەن، قسە لە سەر ئەوانە بكە كە سەروەت و سامانی میلـلەتێكیان دزی و رۆژانە سەدان و هەزاران تانكەر بە بەرچاوتەوە دەڕوات و ناوێریت بە یەك وشەیش باسی بكەیت، راستە خەڵك برسیە، بەڵام ئەو برسیكردنەی خەڵك بە دەستی مافیاكانی هەرێمە نەك عیراق، ئەمە بەرگریکردن نییە لە عێراق و دژی هەرێم، بەڵام دەبێت حەقیقەت بۆ خەڵک ڕونبکرێتەوە، چونكە عیراق دوو ساڵە پارە دەنێریت بۆ هەرێم و مافیاكانی موچەی خەڵك لە كاتی خۆیدا نادەن و سەدان كەس وەك تۆ بێدەنگ و کڕوکپ دانیشتووەو ناوێرن یەك وشەیش باسی بافڵ و قوباد و لاهور و مەسعود و نێچیرو مەسرور بكەن، وەرە خۆت قانونی بێت و نەزانیت یاساكە چییەو باسی چی كردوە.

جەناب ئەو یاسایە ئێستاش گەر هەرێم جێبەجێی بكات لە مانگێکدا زیاتر لە (٩٥٠) ملیار دینار دێت بۆ هەرێم، چونكە قەرزەكە (٢٢،٥) ترلیۆنە و بۆ سێ مانگە، ئێمەش رێژەكەمان (١٢،٧٦)%یە، گەر بەشێكیشی سیادیش بیبات هەر زۆر زیاترە لەوەی كە ئێستا هەیە و دەتوانرێت موچەی فەرمانبەرانی پێ دابین بكرێت.

چیتر فێربە، زانیاری كۆبکەرەوە ئینجا قسە بكە جەنابی پارێزەری یاساناس.

هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی



Copyright 2018. westganews.net. All Rights Reserved.