سبحان مغیر الاحوال
هوشیار عه‌بدوڵا
ئەوسا:
هەر کات سەرۆکایەتی هەرێم کۆبونەوەیەکی ساز بکردایە دەبو حکومەت و پەرلەمان و فراکسێۆن و دامەزراوەکانی تر بەشدار بن و ئەگەر حزبەکان بانگهێشت بکرانایە ئۆپۆزسێۆنی ئەو سەردەمە دەیگوت دەبێ تەنها دامەزراوە شەرعیەکان و نوێنەرانی هەڵبژێردراوی خەڵک بریار لە چارەنوسی خەڵکی هەرێم بدەن و خۆ ئەگەر مەکتەب سیاسیی حزبەکان بانگهێشت بکرایە هێزە ئۆپۆزسێۆنەکان دەیانگوت ئەوە دیوەخانی حزبیە و ئێمە ئامادە نابین.
ئێستا:
هەمان ئەو هێزانە ئەو دیوەخانە حزبیانەیان ناو ناوە (یەکریزی!)
هەڵبەتە هەڵوێستی پێشوی ئەو هێزانە لەبەرژەوەندی خەلک و هەرێمدا بو،چونکە کاتێک حزبێکی سیاسیی بەشداری هەڵبژاردن دەکا و نوێنەرەکانی دەنێرێتە پەرلەمان و حکومەت دامەزراوەکانی تر ئیدی وەزیفەی مەکتەب سیاسیی و حزبیەکانی تر لەو جۆرە کۆبونەوانەدا چیە؟!
جاری وا هەیە لەو کۆبونەوانە یەک حزب بە چوار کەس بەشدارە!؟
گەورەترین دروشمی سەردەمی ئۆپۆزسێۆنی هێزەکانی وەک گۆڕان و یەکگرتو و کۆمەڵ بریتی بو لە جیاکردنەوە حزب و حکومەت ئێستا لە پارتی و یەکێتی حەماسیان زیاترە بۆ تێکەڵکردنی حزب و حکومەت.
رەنگە ئەو هێزانە پێیان وابێت ئەو سەردەمە هەڵە بون و ئێستا لەسەر رێگا راستەکەن،من هێشتا پێم وایە هەڵوێستی پێشویان لەبەرژەوەندەی هەرێم و بەهێزکردنی ژیانی دامەزراوەیی و خەڵکدایە!ئەوەی ئێستایان تەنها خزمەتی دو هێزە دەسەلاتدارەکەی هەرێمە و بەس.
کە ئەو پاشەکشە رۆژانەیە لە هەڵوێستی ئەو هێزانەدا دەبینم لەبەر خۆمەوە دەڵێم:(سبحان مغیر الاحوال).
هۆشیار عەبدوڵا
PM:01:40:25/02/2020
ئه‌م بابه‌ته 2324
جار خوێنراوه‌ته‌وه
هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی