سەرۆکی پەرلەمان چی بە کونسوڵی تورکیا وت؟
PM:09:54:29/08/2016
سەرکەوت شەمسەدین
ساڵی 2014، قونسوڵی ئه‌وكاتی توركیا له هه‌ولێر سه‌ردانی په‌رله‌مانی كوردستان ده‌كات و له‌گه‌ڵ د . یوسف محەمەد سادق، سەرۆکی پەرلەمان كۆده‌بێته‌وه و لە کۆبونەوەکەدا لێی ده‌پرسێت كه بۆچونی ئه‌وان چیه له‌سه‌ر رۆژاڤای كوردستان و مه‌سه‌له‌ی داننان به كانتۆنه‌كان.
وه‌ڵامی یوسف محەمەد سەرۆکی پەرلەمان، ئه‌وه ده‌بێت كه ئه‌وان پشتیوانی له كوردانی رۆژاڤا ده‌كه‌ن بۆ هه‌ركیانێك كه خۆیان بیانه‌وێت و ڕێز لە بڕیارەکانیان دەگرن. هه‌ڵبه‌ت ئه‌وه یه‌كه‌مجار بوو هه‌رێمی كوردستان له ئاستی یه‌كێك له هه‌ره دەزگا باڵاکانی دان به رۆژاوادا بنێت و ئه‌وه‌ش راسته‌وخۆ به توركیا رابگه‌یه‌نێت.
دوای ئه‌م كۆبونه‌وه‌یه، توركیا به‌رپرسانی حكومه‌ت ئاگادار ده‌كاته‌وه كه "ئه‌وه قابیلی قوبڵ نیه بۆ توركیا و پێویسته ئه‌و هه‌وڵانه رابگیرێت، و رێگه نه‌درێت گۆران و یه‌كێتی ده‌زگا فه‌رمیه‌كان بۆ پشتیوانی رۆژاڤا و په‌كه‌كه به‌كاربێنن."
دواتر قونسوڵی توركیا هه‌مان ئه‌م هۆشداریه به ئه‌مریكیه‌یكانیش ده‌دات.
توركیا له كوردستان زۆر له‌وه باڵاده‌ستره كه زۆرێك ده‌یبینین.
هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی
زۆرترین خوێندراو
وتارەکانی تری نوسەر