وەزارەتی ناوخۆ چەند بڕیارێکی دەرکرد

‌وەزارەتی ناوخۆی هەرێمی کوردستان

وێستگەنیوز-

وەزارەتی ناوخۆی هەرێمی کوردستان رایگەیاند، خوێندنی پۆلی 1ی بنەڕەتی تا 11ی ئامادەیی، خوێندنی پەیمانگاکانی سەر بە وەزارەتی پەروەردە و هەروەها خوێندنی زانکۆ و پەیمانگاکانی سەر بە وەزارەتی خوێندنی باڵا بەشێوەی ئۆنلاین بەردەوام دەبن، هەروەها بەمەرجی جێبەجێکردنی رێنماییەکان لەمانگی رەمەزاندا دەرگای مزگەوتەکان دەکرێنەوە.

وەزارەتی ناوخۆی هەرێمی کوردستان لەراگەیەنراوێکدا 17 بڕیاری بڵاوکردەوە و لەبڕیارەکاندا بەردەوامبوونی پرۆسەی خوێندن بەشێوەی ئۆنلاین و جێبەجێکردنی رێنماییەکان لە چێشتخانە و شوێنە گشتییەکان، پابەندبوون بە بەستنی دەمامک، بەردەوامی قەدەغەی هاتوچۆ لەنێوان پارێزگاکانی هەرێم و پارێزگاکانی عێراق جەختی لەسەر کراوەتەوە.

لەبەیاننامەکەدا هۆشداری دراوە بە سەرجەم ئەو شوێنانەی کە قەرەباڵغی تێدا دروست دەبێت ئەگەر پابەندی رێنماییەکان نەبن روبەڕوی رێکاری یاسایی و سزادان دەبنەوە و هەر کەسێکیش دەمامک نەبەستێت، بەبڕی 20 هەزار دینار سزا دەدرێت.


دەقی راگەیەنراوەکەی وەزارەتی ناوخۆ: 




PM:08:29:12/04/2021


ئه‌م بابه‌ته 7360 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت