ساتی‌ گه‌یشتنی‌ یه‌كه‌م قۆناغی‌ ڤاكسینی‌ كۆرۆنا بۆ عێراق و هه‌رێم ڕاگه‌یاندرا


وێستگه‌ نیوز- 
وه‌زاره‌تی‌ ته‌ندروستی‌ عێراق، ئێواره‌ی‌ ئه‌مرۆ شه‌ممه‌، ئاشكرای‌ كرد كه‌ رۆژی‌ دووشه‌ممه‌، یه‌كه‌مین قۆناغی‌ ڤاكسینی‌ كۆرۆنا ده‌گاته‌ عێراق.

راگه‌یاندنی‌ ساتی‌ گه‌یشتنی‌ ئه‌م ڤاكسینه‌ له‌كاتێكدایه‌ ‌ئهمڕۆ شه‌ممه‌ 27ی‌ شوباتی‌ 2021، وه‌زاره‌تی‌ ته‌ندروستی‌ و ژینگه‌ی‌ عێراق ئاماری‌ 24 كاتژمێری‌ ڕابردووی‌ تایبه‌ت به‌ كۆرۆنای‌ بڵاوكرده‌وه‌ و به‌پێی‌ ئاماره‌كه‌، سێ‌ هه‌زار و 543 توشبووی‌ نوێ‌ به‌ كۆرۆنا تۆماركراوه‌ و به‌وه‌ش كۆی‌ گشتی‌ توشبوون گه‌یشته‌ 692 هه‌زار و 241. 

هه‌ر به‌پێی‌ ئاماره‌كه‌، له‌و ماوه‌یه‌دا 18 كه‌س به‌هۆی‌ ڤایرۆسه‌كه‌وه‌ گیانیان له‌ده‌ستداوه‌ و كۆی‌ گشتی‌ گیان له‌ده‌ستدان گه‌یشته‌ 13 هه‌زار و 383. 

له‌باره‌ی‌ چاكبوونه‌وه‌شه‌وه‌ وه‌زاره‌تی‌ ته‌ندروستی‌ و ژینگه‌ی‌ عێراق ئاماژه‌ی‌ به‌وه‌كردووه‌، دوو هه‌زار و 820كه‌س چاكبوونه‌وه‌ته‌وه‌ و ڤایرۆسه‌كه‌یان تێپه‌ڕاندووه‌، به‌وه‌ش كۆی‌ گشتی‌ چاكبوونه‌وه‌ گه‌یشته‌ 632 هه‌زار و 998 كه‌س.


PM:04:48:27/02/2021


ئه‌م بابه‌ته 1976 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت