پۆمپیۆ ستایشی کازمی دەکات

‌مایک پۆمیۆ و مستەفا کازمی

وێستگە نیوز- هێڤار هیوا
مایک پۆمیۆ، ستایشی رۆڵی مستەفا کازمی، دەکات و ئاماژە بەوە دەکات کە پێکەوە هاوکاربوون بۆ بەرەو پێشبردنی عیراق و بوونی ئێرانیش بە هەرەشە ناودەبات.


لە تویتێکدا لە هەژماری تایبەتی خۆی لە تویتەر، مایک پۆمیۆ، وەزیری دەرەوەی ئەمریکا ستایشی رۆڵی مستەفا کازمی، سەرۆک وەزیرانی عیراق دەکات و وێنەیەکی خۆی لەگەڵیدا داناوە.

ئەو وەزیرەی ئەمریکا رایگەیاندووە، "کاتێک چوومە بەشی کارگێڕی و بەرێوەبردن، لەگەل مستەفا کازمیدا هەوڵی جدیمان دا لە بەرەوپێش بردن و پاراستنی سەروەری خاکی عیراق".

ئاماژەی بەوەش کردووە، "بارودۆخەکە پێشکەوتنی باشی بە خۆیەوە بینیوە، بەڵام هێشتا بوونی ئێران لا ناوچەکەدا هەرەشەیە".

ئەمە لە کاتێکدایە، تەنها شەش رۆژ ماوە بۆ تەواوبونی ماوەی دەسەڵاتی پۆمپیۆ و دۆناڵد ترەمپی سەرۆک، بەڵام تا دێت لێدوانە دژ بەیەکەکانیان لەگەل ئێراندا زیادتر دەبێت.


PM:02:11:14/01/2021


ئه‌م بابه‌ته 460 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت