وەزارەتی نەخشەدانانی عیراق: چاوەڕوانی شاندی هەرێمین بێنە بەغدا
شاندی دانووستانکاری هەرێم لەگەڵ بەغدا.. فۆتۆ: ئەرشیڤ
وێستگە نیوز ـ
بریكاری وەزارەتی نەخشەدانانی عیراق رایدەگەیەنێت، رەشنووسی پرۆژە یاسایی بودجە بۆساڵی 2021 تەواو كراوە، دەنێرێتە ئەنجومەنی وەزیران بۆ گفتوگۆو پێداچونەوە، بەبێ ئەوەی ئاماژەبكات بەو بڕگانەی كەپەیوەستە بە بەشە بودجەی هەرێم و پرۆسەی ناردنی نەوت.
ماهرحەماد، بریكاری تەكنیكی لەوەزارەتی نەخشەدانان بە سایتی مەدای رایگەیاند: "گفتوگۆكان لەسەر پرۆژە بودجە لەگەڵ وەزارەتی دارایی و نەخشەدانان گەشتە قۆناغی كۆتایی دوای چەند كاتژمێرێكی كەم دەنێرێتە ئەنجومەنی ئابووری بۆ ئەوەی پێداچونەوەی بۆ بكرێت پێش ئەوەی بنێرێتە ئەنجومەنی نوێنەران".
وتیشی: "پێویست دەكات شاندی كوردی هەفتەی داهاتوو بگەنە بەغدا بۆ ئەوەی چارەسەری كێشەكە بكرێت و رێككەوتن بكرێت لەسەر پرۆژەیاساكە نەوت و داهاتەكانیان رادەست بكەن بۆئەوەی بەشەبودجەی هەرێم دیاریبكرێت".
ئاماژەی بەوەشدا: "ئەو شاندەی دەگاتە بەغدا بەمزوانە رێكدەكەون لەگەڵ حكومەتی فیدراڵی و داوا دەكەین لەحكومەت بودجە بنێرێت بەزوترین كات".
لەلایەكی دیكەوە شارەزایانی ئابووریش پێشبینی دەكەن كە گفتوگۆی پرۆژەیاسایی بودجەی 2021 لە ناو پەرلەمان رووبەڕووی گفتوگۆیەكی چڕ پەسەندكردنی یاساكە دوابكەوێت.
PM:02:21:30/11/2020
ئهم بابهته 3212
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت