سلێمانی.. لە نۆ مانگدا 131 هاوڵاتی بە رووداوی هاتوچۆ گیانیان لەدەستداوە
وێستگە نیوز ـ
بەڕێوه‌بەرایەتی هاتوچۆی سلێمانی رایدەگەیەنێت، لە ماوه‌ی نۆ مانگی رابردوودا131 هاوڵاتی بەهۆی رووداوی هاتوچۆوە گیانیان لەدەستداوە دوو هەزار و 32 هاوڵاتی تریش برینداربوون.
به گوێره‌ی ئامارێكی به‌ڕێوه‌به‌رایه‌تی هاتوچۆی سلێمانی كه وێنه‌یه‌كی بۆ وێستگه نیوز نێردراوه، تیایدا هاتووه: له ماوه‌ی نۆ مانگی رابردوودا 625 رووداوی هاتوچۆ تۆماركراوە.
هه‌روه‌ك هاتووه، لەو ژماره‌یه 131 هاوڵاتی گیانیان لەدەست داوە، هه‌روه‌ك دوو هەزار و 32 هاوڵاتیش برینداربوون.
بەپێی ئامارەكە ئەوكەسانەی گیانیان لەدەستداوە 107 هاوڵاتی له رەگەزی نێر و 24 هاوڵاتیش لە رەگەزی مێن.
هەروەك له‌و ژماره‌یه هەزار و 590 هاوڵاتییان لە رەگەزی نێر و، 442 هاوڵاتییان لە رەگەزی مێ برینداربوون.
PM:01:34:23/11/2020
ئه‌م بابه‌ته 1188
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت